DEEL 2 Reïnkarnasie - Ja of nee? - Nuweopenbaring

ook hy berouvol in die Vaderhuis terugkeer wat hy eens vrywillig verlaat
het. Amen
Moeilike dae - Antichris – Einde
5615 8 Maart 1953
Die dag van verlossing is nie meer veraf nie, maar sal dit vir alle mense
ook verlossing beteken? Sal dit nie eerder ‘n dag van oordeel wees waarin
hulle, in plaas van verlossing, opnuut weer in vaste vorm gebind word nie?
En so kan daar na die dag verlang word, maar netso daarvoor gevrees
word. En hulle wat die dag sou moet vrees, glo nie daaraan nie en is
daarom reddeloos verlore, omdat hulle niks weet om die hernude
kluistering van hulself af te wend nie. Vir slegs weinig mense sal die dag ‘n
werklike verlossing wees, terwyl die ander nie sal weet hoe ellendig hulle
daaraan toe is nie en daarom ook geen verlange na ‘n Verlosser het nie. En
tog sal Hy kom om die te verlos wat in Hom glo.
Wanneer daar vir alle gelowiges ‘n baie moeilike tyd kom, mag hulle die
belofte nie vergeet dat Ek sal kom om te oordeel, die lewendes en die
dooies. En die tyd van nood moet vir hul eweseer ‘n bewys wees van die
waarheid van My woorde en des te vaster sal hulle glo in My koms op die
laaste dag en aan die redding uit die grootste nood. Dit sal werklik ‘n dag
van verlossing wees vir die wat aan My behoort, wat by die aanblik van die
goeie lewe van die ongelowiges geneig is om te twyfel aan die waarheid
van My woord.
En ter wille van die uitverkorenes sal die dae verkort word. Ek sal Myne
versterk tot die dag gekom het en dit sal vinniger daar wees as wat verwag
word. Die wêreldsituasie sal weer so rustig lyk dat niemand aan ‘n einde sal
glo nie, want onder die heerskappy van die Antichris bedaar die golwe van
onrus skynbaar en aards is ‘n oplewing te sien wat die mense steeds
goddeloser en liefdeloser laat word. En slegs Myne herken die uur op die
wêreldklok daaraan, want slegs hulle het gebrek en moet ly terwyl die orige
mensdom swelg en in ‘n roes van wêreldse vreugde hulself probeer
versadig. En niemand sal vermoed hoe naby die einde is wanneer die
Antichris sy wêreldheerskappy begin nie.
Hy lui die einde in, hy bring die chaos tot stand en laat die geloofstryd
ontbrand. Hy veroorsaak as te ware die skeiding van die geeste, want
onder sy heerskappy word die belydenis van My en My Naam geëis en as
gevolg daarvan het die definitiewe keuse geval, wat nog voor die einde
moet plaasvind. Maar sodra die geloofsbeslissing geëis word, kan julle, My
gelowiges, julself voorberei op My koms. Want met die toenemende nood
sal julle ook die vervulling van My voorspellings oor die einde beleef.
Julle kan elke dag op die einde reken en tog sal dit op die dag plotseling en
onverwags kom. Dan sal hulle, vir wie die dag die verlossing bring, egter
salig wees, maar huil en tandegekners sal hulle wat deur die aarde verslind
163