DEEL 2 Reïnkarnasie - Ja of nee? - Nuweopenbaring

dit sal hom ook nooit berou as hy op aarde nie alleen aan die liggaam dink
nie maar ook aan die siel. As hy so’n bietjie geesterykdom versamel op die
aarde wat hom dan in die geesteryk opwaarts kan help. Dan sal die siel oes
wat hy as mens op aarde gesaai het en geseënd is die siel wat al op aarde
voorsorg getref het vir die ewigheid. Amen
Verskillende geestesrigtinge - Waar is waarheid? -
Vir predikante
6627 21 Augustus 1956
Elke strydvraag in geestelike opsig sou opgelos kan word, wanneer elke
verdediger van eie opvatting dit aan Myself sou voorlê en My verklaringe
afwag. Dan sou daar waarlik geen konflikte wees nie, dan sou alle vennote
hulself weer moet verenig, want hulle sou almal net dieselfde antwoord van
My ontvang.
Dat daar nou soveel afsplitsings ontstaan het, dat daar soveel
geestesrigtings self gevorm het, is ‘n sekere bewys dat hierdie weg na My
nie gegaan is nie, dat die mense maar net die denke met hulle verstand
inskakel en hierdie verstandelike denke nooit dieselfde resultate kan
oplewer nie, omdat My teenstander al te maklik tussenbeide kan kom en
die verstand in die war bring, waar Ek nie self aangeroep word om dit te
verlig nie.
Weliswaar kan enkele persone wat hulle sienswyse verdedig, dit gedoen het
en hulle opvatting sal daarom ook eerder ooreenstem met die waarheid,
maar hulle vind geen ingang by hulle wat My geïgnoreer het nie. En daarom
sal die korrekte, ware, steeds weer na buite straal, maar op sy lig sal te
weinig ag geslaan word en die konflikte sal nie opgelos word nie, hulle sal
steeds tevoorskyn kom, omdat die verstand hoër gewaardeer word en die
verstand die ergste verdraaiinge so kan omklee dat dit as wys aangesien
word en ook weer verdedig word.
Wanneer julle mense dan nadink oor die vele verskillende geloofsleringe en
geloofsrigtings, moet julle al daarom aan die waarheid twyfel van diegene
wat daarvoor opkom, want daar kan maar net één waarheid wees. Dus sou,
wanneer die waarheid werklik (êrens) onder die verskillende rigtinge
aanwesig sou wees, alle andere vals moet wees. Maar watter een is die
ware?
Elke geestesrigting eis die reg op, om die waarheid te besit en tog is dit nie
te herken nie, aangesien daar andersins nie daaraan getwyfel sou word nie
en die toevlug tot ‘n ander geneem sou word nie. Oorweeg dit; besef dat
die waarheid My eiendom is, dink daaraan dat julle My kinders is wat Ek
liefhet. Dus sal Ek die waarheid nie van julle weerhou nie, dus moet dit ook
herkenbaar wees. Solank julle mense dus nie weet nie, maar aanneem, dat
julle die waarheid het, besit julle dit nie.
452