DEEL 2 Reïnkarnasie - Ja of nee? - Nuweopenbaring

want My teenstander werk met lis en bedrog en hy is ook nie sku om die
Naam Jesus uit te spreek nie, want hy gebruik elke middel in die laaste tyd.
Daarom het Ek julle gewaarsku oor hierdie tyd, waarin "valse Christusse"
en "valse profete" werksaam is en dan moet julle waaksaam wees. Vergeet
nooit dat julle in die eindtyd leef nie, dat die mense self, in opdrag van My
teenstander, weliswaar die laaste vernietigingswerk uitvoer, maar dat in My
heilsplan van ewigheid, gebaseer op die wil van die mense, die einde van
die aarde voorsien is. Vergeet nooit dat Ek die einde deur sieners en
profete aangekondig het nie en dit nou ook sekerlik so voltrek sal word,
soos wat die een dag op die ander volg.
En in die seker te verwagte einde wil My teenstander julle as
ongeloofwaardig voorstel. Hy wil julle mense mislei, deurdat hy julle deur
sy dienare wysmaak, om die einde te kan teëhou en die aarde teen
vernietiging te behoed, dus die geloof in julle wek dat "dienare van God "
aan die werk is om hierdie vernietiging te verhinder. Alles verloop volgens
die plan van ewigheid. Julle mense moet maar net na die volwasse wording
van julle siele strewe. En dit bereik julle slegs deur die liefde, deur ‘n lewe
volgens My Wil, deur ‘n innige verbinding met My. Dan wandel julle ook in
die lig en julle skenk geen aandag meer aan dwaalligte nie. Amen
Misterieuse verskynsels II
(Voortsetting van 6674)
6675 23 Oktober 1956
Dit is eie aan die mens om sy aandag steeds te rig op dit wat sy
liggaamlike sinne aanspreek, daarenteen om by alles verby te gaan wat die
siel ‘n impuls tot opbloei kan gee. En dit is eweneens die invloed van My
teenstander, wat homself ten doel gestel het om elke ligskynsel van die siel
verwyderd te hou en die omhulsel om die siel steeds uit te brei, waartoe die
liggaam homself gewilliglik bereid verklaar.
Reeds daarom moes die mense al vrae begin stel by al die aardse vreugde
en genietinge, as dit hulle erns sou wees om die doel, naamlik hulle
sielsvolwassenheid, te bereik. Maar sulke bedenkinge maak die mense nie
en as hulle daarop attent gemaak word, staan hulle maar slegs afwysend
daarteenoor.
Die tyd tot die einde is egter maar kort en om nog sukses te behaal moet
daar ongewone middele gebruik word. Middele wat die gedagtes van die
mense in die rigting stuur wat hulle nie wil gaan nie. En sulke middele
staan My ryklik ter beskikking in velerlei noodtoestande, in rampspoed of
onverwagte gebeurtenisse, wat almal geskik is om liggaamlike verlange
agter te stel en homself vir geestelike invloede oop te stel, sonder om hom
egter te dwing daartoe.
In geen geval sal Ek My toevlug neem tot misterieuse verskynsels om ‘n
inkeer by die mense te bereik nie. Want sulke verskynsels is nie geskik om
474