DEEL 2 Reïnkarnasie - Ja of nee? - Nuweopenbaring

liggaamlike dood, wat vir julle almal nader is as wat julle vermoed en
enkele nog vinniger sal oorval, want vir julle almal is daar nog veel te
wagte.
Die dood van die liggaam kan julle nie teengaan wanneer julle uur gekom
het nie, maar die dood van die siel kan julle afweer, ja, julle kan die siel die
ware lewe gee, wat ewig duur, wat nooit meer van julle afgeneem kan
word, wanneer die lewe van die Gees eenmaal in julle ontwaak het nie.
Daarom hou Ek die liggaamlike dood vir julle so gereeld voor oë, daarom
gewaar julle dit so gereeld om julle heen, julle sien alles vergaan wat vir
julle waardevol was en vreugde verskaf het, julle sien liewe mense
heengaan na waar geen terugkeer meer te verwag is nie. Dit alles laat Ek
vir julle sien, sodat julle tot nadenke gestem word oor julle eie ek, sodat
julle goed rekenskap kan gee wat julle waarlik gesien het, om vir julle ‘n
ewige lewe te verseker, wanneer die liggaam sterf en daar niks meer op
aarde agterbly nie.
En as julle daaroor sal nadink en slegs ‘n bietjie gehoor skenk aan die stem
binne-in julle, het julle ‘n barmhartigheidsmiddel benut, want op geen
ander manier kan Ek julle bystaan nie. Alles wat van My af kom, moet wees
asof dit vanuit julself gekom het, dan eers sal julle dit aanneem. Julle sal
nog gereeld aanleiding hê om daaroor na te dink en altyd moet julle
daaraan dink dat die laaste tyd buitengewone verskynsels met homself sal
meebring, sodat net die wat nog ‘n goeie wil sal hê, dit nog binne ‘n kort
tyd sal kan bereik, waar hulle in andere omstandighede baie tyd tot hulle
beskikking gehad het.
Maar dit gaan met rasse skrede na die einde toe en Ek wil nog baie wen,
voordat die einde kom. Daarom word My barmhartigheid onophoudelik aan
julle uitgedeel, wie dit besef en die barmhartigheidsmiddele benut, sal nie
verlore gaan op die laaste dag nie, al mag dit vir hom skielik kom of eers
aan die einde. Hy sal dit nie hoef te vrees nie, omdat My barmhartigheid
hom gered het van die geestelike dood. Amen
Die krag van voorspraak
5161 30 Junie 1951
Die krag van voorspraak vir die oorledenes moet julle aan al julle geliefdes
gee wat van julle heengegaan het, dit maak nie saak in welke graad van
volwassenheid julle meen dat hulle is nie. Want hulle het almal nog krag
nodig en is dankbaar vir alle hulp. Dit is ‘n blye gevoel as julle siele uit die
diepte na bo gehelp het en julle sal dit eers besef as julself in die ryk hierna
aangekom het en die nood sien waarin baie siele smag. En wel, omdat daar
nie vir hulle gebid word nie, omdat hulle geen mense op aarde het wat
hulle in liefde gedenk en hulle die krag laat toekom wat hulle nodig het om
opwaarts te gaan.
30