DEEL 2 Reïnkarnasie - Ja of nee? - Nuweopenbaring

Maar julle moet My met die mond bely teenoor julle medemens. As dit oor
julle ingesteldheid insake die geloof gaan, moet julle julself vry en openlik
vir My uitspreek en geen vrees voel vir die gevolge van julle belyersmoed
nie, want hierdie getuienis moet weer ‘n aansporing wees vir julle
medemens wat nog swak in die geloof is. En tegelykertyd is dit ‘n blyke,
dat julle agter die waarheid staan, dat julle nie na buitentoe ‘n indruk wil
wek wat nie met julle innerlike denke, met julle oortuiging ooreenstem nie.
Steeds moet julle opreg wees en My en My Naam bo alles plaas wanneer
hierdie getuienis van julle verlang word. Maar wat julle vir Myself te sê het,
kan julle stil en in die verborgene aan My voorlê, want Ek wil die stem van
die hart verneem, nie maar net woorde wat die mond uit kraam wanneer
die hart nie daarby betrokke is nie. En sulke gebede het ‘n ongehoorde
krag, wanneer hulle verenig na My toe klink, wanneer mense byeenkom om
My aan te roep met ‘n bepaalde versoek, wanneer almal uit die diepte van
hulle hart dieselfde vra, dieselfde versoek na My opstuur, al is dit maar ‘n
kort roep. Ek sal hom hoor en verhoor sodra hulle tot My bid in Gees en
waarheid. Amen
Verskillende gawes van die Gees.
6013a 31 Julie 1954
Die Gees van God kom op verskillende manier tot uiting, aangesien sy
werking van die bekwaamheid en geestelike volwassenheid van ‘n persoon
afhang en dit hang ook van sy geaardheid af welke geestelike gawe aan
hom gegee sal word. Om ‘n geestelike gawe te ontvang veronderstel altyd
die omvorming in liefde, dus ‘n vrywillige totale transformasie van sy wese.
Die Gees van God kan slegs in ‘n geskikte houer in stroom. ‘n Houer wat
voorberei is op die ontvangs van die Goddelike straal van liefde deur
onselfsugtige dade van liefde. Elkeen wie nog nie hierdie transformasie in
liefde bereik het nie kan nie ‘n gawe van die Gees verwag nie. Derhalwe is
die gawes van die Gees altyd slegs die resultaat van ‘n liefdevolle manier
van lewe en nie ‘n willekeurige verleende gawe nie. Daar moet na gestreef
word, wat elkeen kan doen maar wat selde gedoen word. Die manier wat
die Gees van God van krag word hang van die taak af wat aan ‘n persoon
gegee word wat deur die Gees van God oorskadu word tydens sy aardse
lewe, wat die wysheid van God sekerlik as voordelig erken vir die
mensdom, maar nietemin vereis dit die mens se vrye wil. God weet egter
wie hom wil dien en hoe die persoon homself vorm, daarom sal Hy hom
plaas waar hy die effektiefste kan werk.
Die mense in die laaste dae moet wakker geskud word aangesien hul denke
heeltemal oppervlakkig geword het, dus moet hulle buitengewoon beïndruk
word om hul tevredenheid te versteur. Maar selfs buitengewone gebeure
het ‘n heel natuurlike verklaring, tog wat vir een persoon natuurlik blyk te
wees is onvoorstelbaar vir ‘n ander omdat hy geestelik blind is. Daarom
276