DEEL 2 Reïnkarnasie - Ja of nee? - Nuweopenbaring

na die suiwer waarheid en julle gebed sal dan waarlik weerklank by My
vind. Amen
Selfmoord
6005 19 Julie 1954
Daar is aan julle mense ‘n tyd toegeken vir die laaste verlossing uit julle
boeie, om die uiteindelike vrywording uit die vorm te bereik. Maar hierdie
tyd se lengte is verskillend vastgestel, soos Ek dit as goed insien vir julle
siele. Julle aardse lewe word nie willekeurig deur My beëindig nie. Van
elkeen persoonlik is die volwassenheid van die siel aan My bekend en so
ken Ek ook die gevaar van ‘n terugval, of die moontlikheid van ‘n verder
vooruitgaan op aarde. En My liefde en barmhartigheid maak ook vroegtydig
‘n einde aan ‘n menselewe, om te verhoed dat die siel agteruit gaan. Of Ek
sien die moontlikheid van ‘n verandering in die laaste uur en verleng
daarom die leeftyd steeds volgens wyse raadsbesluit, want aan My is alles
bekend wat ‘n siel tot heil strek.
En nou sal julle begryp wat ‘n groot vergryp ‘n eiemagtige beëindiging van
die aardse lewe is. Dat julle 'n sonde begaan as julle My liefde en
barmhartigheid vooruitloop en die geleentheid nie benut wat julle siele
gebied word, om tot voltooiing te kom nie. Julle gryp in My heilsplan in en
julle berokken 'n skade aan julle siele wat eens ‘n baie groot berou en
selfverwyt in julle teweeg sal bring en nie meer goed te maak is in die
hiernamaals nie. Want die voordeel wat julle op aarde kon benut, kan julle
in die ryk hierna nooit meer gegun word nie. Julle het vir julself
onherroeplik iets verspeel, selfs al lyk dit vir julle of julle sieleetoestand sal
verbeter, as julle nou julle weg na bo soek.
Dog ‘n groot gevaar bestaan dat die siel wegsink, dat hy hom verset soos
sy eiemagtige beëindiging van die lewe ‘n verset was en dat hy in sy
afwending volhard. Sulke siele het baie baie hulp nodig sodat hulle nie
verlore gaan vir ‘n ewige lang tyd nie, maar dit gebeur ook alleen na hulle
wil.
Ek staan waarlik almal by, ook in die grootste nood, wat dadelik sal
verminder as die mens maar aan My dink, as hy My aanroep om hulp. Want
die nood is alleen maar ‘n middel om julle gedagtes op My te rig, sodat julle
nou ook van julle aardse lewe ‘n sukses kan maak. En die nood tref die
mens nie sonder rede nie, want sy siel is in gevaar en deur hierdie nood
moet hulle ‘n uitweg vind. En hoe meer hulle hul verhard teen My, des te
meer bring hulle hulself in gevaar, om op die laaste My wil te trotseer en
die lewe wat My liefde en genade hulle geskenk het vir die uiteindelike
verlossing, weg te gooi.
Want die beliggaming as mens is vir die siel ‘n genade, ‘n geskenk van My
liefde, dit is die laaste tree na bo wat hulle moet gaan, om dan vir ewige
vry en salig te kan wees. Die siel het naby sy doel gekom en is daarom vir
273