DEEL 2 Reïnkarnasie - Ja of nee? - Nuweopenbaring

hom alleen moontlik sal wees nie, dat hy hulp nodig sal hê. Maar dit is
verseker vir hom. Hy het sy krag verloor die oomblik toe hy sy wil van God
afgewend het en hy sal dit weer ontvang wanneer hy terugkeer na Hom.
En daarom kan ‘n uiterlike formaliteit alleen nie voldoende wees nie,
woorde alleen kan nie ‘n ware God-gewyde wil waarborg nie en om aan ‘n
godsdienstige organisasie te behoort kan nie hierdie verandering van wil
wys nie, dit moet eerder gewys word deur aksies van onselfsugtige liefde
wat sonder dwang en wet beoefen word. God het die mense wel die
gebooie van liefde gegee, maar die liefde moet vrywillig beoefen word,
want dit wat gedoen word as die vervulling van ‘n gebod kan gedoen word
sonder diepe innerlike wil, wat dan die waarde sal verminder. Daarom moet
die bereiking van geluksaligheid, die terugkeer na God, ‘n persoonlike saak
vir elke persoon wees, wat hy nie aan ander mense kan oorlaat nie en wat
niemand anders namens hom kan doen nie. En selfs die daad is nie
beslissend nie, slegs die innerlike wil is belangrik. Wat waarlik aan God
bekend is en wat ook op elke manier gesteun word. En wat daarna met
julle gebeur in die lewe is slegs toe te skryf aan die invloed van God of die
ligwêreld, wat daarvoor sorg dat julle wil in die regte rigting sal streef, dat
julle vrywillig julself aan God sal onderwerp en julle terugkeer na God as
julle enigste doel sal beskou.
Nietemin, sodra dit gedoen is, sodra die mens sy diepste gedagtes na God
keer en hy ‘n poging aanwend om op aarde volgens die wil van God te
lewe, dan sal sy aardse lewe nie vergeefs geleef wees nie en dit sal met
sekerheid, ook die vryheid van sy siel veroorsaak. Hy sal hom van sy
folteraar kan losmaak, hy sal hom van die boeie kan losmaak wat hom vir
‘n oneindig lang tyd gevange gehou het, hy is nou op sy weg na bo en
vrees nie meer die teenstander van God, wat geen verdere mag oor sy siel
het nie omdat God Self hom sal gryp en hom veilig na omhoog sal lei, want
die mens het sy wil na Hom gedraai, uit Wie hy eens as oer-gees te
voorskyn gekom het. Amen
Motifeering vir die verwoesting en die nuwe
skepping
6828 12 Mei 1957
Hulle wat die allerdiepste geval het wek My medelye op en daarom werp Ek
hulle steeds weer ‘n reddingsanker toe, sodat hulle weer na bo kan kom.
Elke siel wat daaraan vashou, word deur My omhoog getrek, want hy
bewys daarmee sy wil om die diepte te ontvlug en so sal hy nou ook die
ontferming van sy Vader van ewigheid mag ondervind.
Daar is egter onder die diepste gevallenes ook wesens wat in hul weerstand
teen My ‘n graad bereik het wat geen redding meer toelaat nie. By hierdie
wesens het die wil hom nog nie in die minste gewysig nie, ja veeleer het
daar ‘n verharding plaas gevind, sodat daar waarlik geen ander
541