DEEL 2 Reïnkarnasie - Ja of nee? - Nuweopenbaring

wanneer die mense geen geloof meer het in Jesus Christus nie, wat hulle
deur Sy kruisdood wil help om hulle swak wil te versterk, om hulle los te
maak van My teenstander.
Die goddelike leer van die liefde wat die mens Jesus op aarde gepredik het,
moes aan die mense die weg toon tot die eenwording van die geestesvonk
in hulle met die Vadergees van die Ewigheid. Daarom leef Jesus vir Sy
medemens ‘n lewe in liefde voor en bewys hulle ook die resultaat van so 'n
lewenswandel - die totale vereniging met My, wat in Sy taal en werk op
aarde te sien was. Wat vir die offerdood van Jesus onmoontlik was deur die
swak wil van die mense, wat nog met die oersonde belas was, dit kon die
mense na Sy kruisdood volbring, omdat hulle die krag daartoe geskenk was
- sodra hulle Jesus Christus erken as God se Seun en Verlosser van die
wêreld en hulle ‘n beroep op Sy hulp doen. En nou was dit ook moontlik dat
hulle die vereniging met Myself tot stand kon bring, dat hulself deur werke
van liefde, die geestesvonk in hulself tot lewe kan wek en Ek Self nou in
hulle kan werk.
Sonder Jesus Christus, kan die Gees van geen enkele mens egter gewek
word nie, want Ek Self kan nie wees in hom wat My afwys nie, wat nie in
My glo nie, dat Ek hom verlos het van sonde en dood. My geestesvonk rus
weliswaar in elke mensesiel, maar die liefde wek hom eers tot lewe. Die
liefde herken egter vir Jesus Christus! Die liefde herken My in Hom en
verbind homself met My, of anders gesê: die liefde is die goddelike vonk,
wat homself met die Vuur van die ewige Liefde wil verenig. Dan is daar
egter lewe in julle, al verloor julle ook julle aardse lewe. Julle het al uit die
dood opgestaan tot die lewe, sodra die Gees in julle lewend geword het en
julle kan nou vir ewig nie meer die lewe verloor nie, omdat julle nou
teruggekeer het tot My en dat by My vir ewig geen dood meer bestaan nie.
Amen
"Niemand kom tot die Vader ... "
6579 21 Junie 1956
"Niemand kom na die Vader toe behalwe deur My nie." Hoe buitengewoon
belangrik hierdie woorde is, word ook verklaar deur die noodsaaklikheid om
die mense tot die geloof in Jesus Christus te bring; die wat die geloof nog
nie besit nie, of tot ‘n lewende geloof aan te spoor by wie die kennis oor
Jesus Christus reeds aanwesig is. Want niemand kan na My toe kom, wat
Myself nie in Jesus Christus kan sien nie.
Daar is wel mense wat voorgee om in ‘n God te glo omdat Hy Hom bewys
in alles wat die mens omring wie egter nie vir Jesus as Christus wil
aanneem as "Seun van God" en "Verlosser van die Wêreld" nie - en homself
daarom tog nie as ongelowig beskou nie. Maar hierdie mense staan nog ver
van hulle God en Skepper af. Hulle is nog nie nou met My verbonde nie en
kon daarom ook nog nie in hulle denke verlig word nie.
426