DEEL 2 Reïnkarnasie - Ja of nee? - Nuweopenbaring

genoem kan word nie. En Ek doen waarlik alles om dit vir die mense maklik
te maak, maar as hulle self nie wil nie, as hulle hul deur My nie laat lei nie
en uit eie wil verkeerd handel, moet hulle ook die gevolge daarvan op hulle
neem. Hulle kan egter nooit sê dat Ek hulle lot berei het wat hulle hulself
skep nie. Want Ek ken die vreeslike kwellinge en probeer alles om hierdie
kwellinge van die wese af te wend. Maar Ek ontneem julle die vrye wil nie
en wie sondig, moet ook die gevolge van die sonde dra omdat dit die
gevolg is van My wet van ewige orde.
Die mense kan wel liefdeloos handel en hul medemens pyn besorg, Ek
egter is die liefde Self en Ek is voortdurend daarop bedag om vir julle
salighede te berei. Waar egter die wil van die mense dit nie toelaat nie daar
kan ook nooit enige saligheid wees nie. Want ‘n verlange teenstrydig met
die Goddelike veroorsaak ook ‘n lot wat teenstrydig is met die Goddelike, ‘n
lot van uiterste ellende en duisternis, ‘n lot van bitterste gevangeskap. ‘n
toestand van onvryheid en kragteloosheid wat altyd die gevolg, die
uitwerking van die sonde is. En daarom het die wese wat teen My orde van
ewigheid ingaan op aarde, vir homself die straf veroorsaak. Amen
Die beskerming van God vir Sy stryders en knegte
6249 3 Mei 1955
Wat daar ook al teen julle onderneem sal word, Ek hou My beskermende
Hand bo julle en julle arbeid wat julle sal verrig vir My en My Ryk. Daar sal
steeds teen die waarheid gestry word en gevolglik ook teen julle, wat die
waarheid versprei en dit is die wapen van My teenstander, dat hy homself
as die verkondiger van die waarheid voordoen en dat hy baie meer
aanhangers sal vind as julle, wat die waarheid van Myself ontvang. Solank
die mense julle aanhoor en miskien ook afwys, maar julle nie aanval nie, is
My teenstander nie tevrede nie, want hy wil die lig uitdoof wat Ek Self op
aarde ontsteek het. En daarom soek hy mense wat hy kan beïnvloed om
teen julle op te tree; en hy vind hulle en wel in die geledere van diegene
wat geestelik verwaand is, hy vind hulle daar waar hy al lank werksaam is,
waar die verligting deur die Gees ontbreek, sodat hulle nie in staat is om
die dwaling van die waarheid te onderskei nie. Ook tower hy vir hulle die
waarheid voor en hulle glo hom eerder as diegene wat hulle werklik die
waarheid bring. En daarom is hulle gees nie verlig nie, omdat hulle geen
liefde het nie, sodat hulle meen om die werksaamheid in liefde te kan
vervang deur handelinge wat My teenstander hulle dan as heilsaam en
resultaat belowend vir hulle siele voorstel. Maar sonder liefde kan daar in
hulle die lig van insig nie ontsteek word nie en hulle sal daarom sonder
insig bly en vir My teenstander steeds welkome voorwerpe wees waarvan
hy homself kan bedien om teen julle op te tree.
Maar Ek is op hoogte van sy planne en van die volgsaamheid van die
mense wat van hom afhanklik is. Ek gee ook aan hulle die geleentheid om
328