DEEL 2 Reïnkarnasie - Ja of nee? - Nuweopenbaring

En sodra ‘n mens sy toevlug tot die gebed neem, dan vra hy om My
barmhartigheid en dan sal hy dit onbeperk ontvang. Ek sal My in sy lewe so
duidelik openbaar dat hy ‘n oortuigde geloof kan verkry, want hy het deur
sy bereidwilligheid, laat blyk om My barmhartigheid te gebruik. En daarom
kon dit hom nou ook onbeperk toevloei en werksaam word, wat egter
steeds die vrye wil van die mens vereis.
En in die eindtyd kan iedereen die weg na My vind as hy dit maar wil. In die
eindtyd word alle mense so duidelik gewys op hulle God en Skepper, op ‘n
Leidsman en Helper. Iedereen kan met Myself in verbinding tree en uit
hierdie verbinding ongelooflik baie voordeel trek. Maar hy moet daartoe
bereid wees, omdat alle barmhartigheidsgawes andersins sonder effek bly,
maar dat die mens dan ook reddeloos verlore sal gaan wanneer die laaste
dag gekom het. Amen
Die geïsoleerdheid van die hemelliggame
6323 31 Julie 1955
Ontsaglike afstande lê tussen die skeppings wat julle mense as
hemelliggame aan die uitspansel aanskou. Afstande, wat vir julle nie te
skat is nie en daarom ook nie te oorwin is nie, omdat elke afsonderlike
hemelliggaam self ‘n wêreld op sy eie is en hierdie wêrelde hermeties van
mekaar afgesluit is in soverre, dat dit geheel verskillende lewensfere besit,
steeds in ooreenstemming met die aard van die hemelliggaam en ook met
sy bewoners.
Julle mense mag nie glo dat My skeppende Gees nie veelsydig genoeg sou
kon skep en voortbring nie - julle mag nie glo dat julle, julle
lewensvoorwaardes op ander hemelliggame ook net so sal terugvind soos
op die aarde wat julle bewoon nie - en julle mag nog veel minder glo dat
die hemelliggame julle dieselfde lewensmoontlikhede sou bied wat vir julle
bestaan noodsaaklik is, in geval julle ooit in die gebied van so 'n
hemelliggaam sou beland.
Dit sal in elk geval ‘n vergeefse onderneming wees, want julle sal nooit
slaag om ook maar 'n enkele verbinding met ander hemelliggame aan te
knoop nie, tensy dit op ‘n suiwer geestelike manier geskied, dit kan
plaasvind deur die stuur van gedagtes, wat vir julle egter altyd tot 'n
geestelike vooruitgang sal dien, egter nooit op die manier wat betrekking
het op dit wat deur julle mense oor die wêreld beplan word nie.
Julle mense kan weliswaar groot bekwaamhede ontwikkel, julle kan
skeppend en vormend besig wees op aarde. Julle kan die kragte van die
natuur deurgrond en dit vir julle op elke manier nuttig maak. Julle kan op
grond van julle verstand diep in natuurwette binnedring en nou met al julle
insigte na vore kom, maar julle arbeidsveld is en bly altyd net die aarde. En
as julle nou al julle verstandelike insigte probeer gebruik tot heil van julle
medemens, dan sal My seën julle werk ook ondersteun, want dan word aan
349