DEEL 2 Reïnkarnasie - Ja of nee? - Nuweopenbaring

alleen op sy verlange na mag en heerskappy gebaseer. Hy was wel bewus
dat hy van My uitgegaan het, maar was van mening om alleen te heers,
omdat hy My nie kon sien nie. Hy besef wel dat Ek hom geskape het, maar
wil My nie erken nie. En hierdie wil het Ek nie in die wese gelê nie, maar die
wese self het die deur My geskenkte vrye wil so verander.
Dit was die verskil tussen die val van Lucifer en die sondeval van die eerste
mens, want laasgenoemde dra nog die verkeerde wil in hom en daarom gee
Ek hom ‘n gebod wat hy nie mag oortree nie. ‘n gebod waaraan hy hom
ook maklik kon hou as My vyand nie op hom ingewerk het nie. Hy het nog
‘n sterk invloed op die mens omdat hy eintlik nog steeds ‘n deel van hom
was, omdat die siel nog nie die volmaaktheid teruggekry het nie, wat dit
onmoontlik sou maak om te val.
‘n volmaak geskape mens sou nie kon val nie d.w.s. hy sou nie tot die
oortreeding van die gebod in staat wees nie, omdat die volmaakte
geestelike in die mens, hom sou terug hou van alle Godsvyandige dade. Die
skepping van die mens was egter die gevolg van die val van Lucifer en sy
aanhang, want Ek sou dit andersins waarlik nie nodig gevind het om die
deur My in die lewe geroepte geestelike ‘n uiterlike vorm te gee as
omhulling nie.
Die vorm van die mens bevat die gevalle geestelike. Daardeur was Adam
reeds met die eerder begane sonde belas, wat hy egter kon kwytraak as hy
My gebod geëerbiedig het en dit was dus vir hom moontlik om hierdie
erfskuld te delg. Sy val stel egter die terugkeer van die gevalle geestelike
na My weer vir eindelose tye uit. Maar tog het dit moontlik geword deur die
Verlossingswerk van die mens Jesus Wie sonder gebod van My kant af dit
volbring het wat Adam moes doen nl. Om volledig My wil te volbring en
deur ‘n lewe van liefde hom weer met My te verenig, om in volle besit van
lig en krag te kom. Amen
Die waardeloosheid van aardse kennis in die
hiernamaals
5801 4 November 1953
Waardeer kennis wat alleen maar aards is nie te hoog nie, want in die
ewigheid kan julle daar niks mee doen nie. Dit kan julle wel vir die duur
van julle aardse lewe van nut wees, maar as julle dit nie gebruik om julle ‘n
geestelike kennis te gee, deurdat julle deur aardse kennis die insig verkry
dat julle ‘n skepsel van God is en dan moeite doen om die volle waarheid
uit God te kry, dan sal julle geen voordeel daarvan hê wanneer julle die
geesteryk binne gaan nie.
Maar ook die geestelike kennis wat suiwer verstandelik verkry word, is as
aardse kennis te sien, wat dus wel geestelike kennis gee maar net soos alle
ander aardse kennis deur studie verwerf word, met die doel om dit in ‘n
beroep te gebruik.
212