DEEL 2 Reïnkarnasie - Ja of nee? - Nuweopenbaring

verkondig die nabye gerig wat elke mens aangaan, ook as hulle julle
woorde nie wil glo nie. Amen
Barmhartigheid - Verhard julle harte nie
6025 16 Augustus 1954
Wat julle wil dat die mense vir julle sal doen, doen dit ook vir hulle. Plaas
julle steeds in die situasie van julle medemens wat in nood is en dink
daaraan hoe dankbaar julle sou wees, as julle uit hierdie nood gehelp sou
word en handel dan soos julle by magte is en dit sal reg wees voor My oë.
Maar laat die nood van julle broeder julle koud, dan is julle hart al verhard
en dan sal dit vir julle moeilik wees om toegang tot die hemelryk te kry,
want dan is julle sonder liefde dan vervul julle nie My gebooie nie en kan
julle siele nie volwasse word nie. Die verandering van julle wese vind geen
deurgang, wat egter die sin en doel van julle aardse lewe is.
Die nood van julle medemens kan ook wel sy eie skuld wees en tog moet
julle hom help, want ook julself sal in sonde kan val en daardeur in nood
raak en julle sal ook aanspraak maak op My Liefde en Barmhartigheid
aangesien julle ongelukkig voel. Wanneer julle hart verhard is, wanneer
julle onverskillig verbygaan by ‘n mens wat in nood is, verplaas julle dan in
gedagtes in dieselfde noodsituasie en die ys sal smelt, daar sal ‘n golf van
erbarming oor julle vloei as julle tenminste nog in staat is om te verander.
Want weet dat julle almal in dieselfde noodsituasie sal kan beland, weet dat
julle, julle noodlot nie self bepaal nie en dat julle daarom niks van julle sal
kan afkeer nie wat Ek oor julle wil laat kom met die doel om julle op te
voed.
Wat vandag julle naaste oorkom, kan more al julle eie lot wees en dan
verwag julle hulp, skenk dit dan ook aan julle naaste en julle sal goed
doen. Dink nie selfgesentreerd nie, voel julle nie verhewe nie en kyk nie op
julle medemens neer nie, omdat julle aards beter af is of skynbaar die
noodlot se baas is. Want dit bring My daartoe om julle in dieselfde
omstandighede te laat beland, sodat julle voel wat julle tevore nie wou
begryp nie. Verhard julle harte nie, laat julle veeleer tref deur alle nood en
probeer hulp te bied. Want julle gee en ontvang ryklik terug wat julle
uitgedeel het. En julle wen die harte van hulle wat geskenke ontvang het
en dit is julle grootste wins, dat goeie gedagtes julle navolg, dat daar in
liefde aan julle gedink word, wat julle siele as krag ervaar om self volwasse
te word.
En dink steeds aan My woorde: “Wat julle aan die geringste van julle
broeders doen, het julle aan My gedoen” Dan sal julle maklik help om nood
te lenig. En as julle God bo alles liefhet, sal julle ook julle naaste nie die
liefde ontsê nie en julle sal My gebooie nakom en julle siele sal volwasse
word. Amen
282