DEEL 2 Reïnkarnasie - Ja of nee? - Nuweopenbaring

‘n Groot deel van julle sukses is ‘n vaste geloof, wat nietemin aanwesig sal
wees waar daar liefde is. En as julle in julle geloof verswak, bedink dan
lewendig in julle hart dat Ek in der waarheid die Liefde self is, dat Ek julle
liefhet en daarom julle niks ontsê nie, behalwe dit wat julle siele skade kan
berokken, wat julle nogtans nie sal vra as julle in liefde leef nie. Omdat
julle verligte Gees dan erken waarom julle nie so iets moet vra nie. Maar
wanneer julle julself in nood van liggaam en siel bevind, kom dan gelowig
na My en julle sal My liefde ken, julle sal die toestaan van julle gebede
ondervind, omdat Ek julle liefhet.
Julle moet die diepte van My liefde altyd onthou, wanneer julle in gevaar is
om te twyfel, wanneer julle geloof swak is. Ek verlaat julle nooit selfs nie
wanneer julle sondig nie, hoeveel minder as julle in die moeilikheid is!
Daarom glo en vertrou en materiële hulp sal na julle kom; en glo en
vertrou dat Ek ook geestelik by julle staan as julle My wil dien. Julle hoef
nooit sukses te betwyfel nie, aangesien julle julself altyd met My krag kan
help, wat altyd tot julle beskikking is wanneer julle planne op liefde vir My
en julle medemens gebaseer is. Julle sal alles met My krag verwesenlik, as
julle slegs vas en sonder twyfel glo. Amen
Vrees nie !
6111 17 November 1954
Vrees nie - glo net! Niks sal julle bang maak, niks sal julle ontstel nie as
julle slegs vas en onbeweeglik glo. En so kan ‘n sterk geloof ‘n makliker
aardse-lewe beteken, omdat daar dan niks is om te vrees nie en julle kan
sonder sorge wandel, julle gedagtes altyd na Hom gekeer wie julle uit alle
probleme help. Julle moet sterk innerlik oortuig wees dat julle ‘n Vader in
die hemel het wat oor Sy kinders waak en hulle nie in nood verlaat nie
omdat Hy hulle liefhet. Hierdie sterk oortuiging is reeds die sekerheid dat
dit so sal wees.
En wat kan sterker wees as julle Vader in die hemel? Geen mens op aarde
en geen wese van die duisternis kan hom teen Hom verset nie en daarom
hoef julle nie te vrees dat enige mens op aarde of enige wese van die
duisternis julle kan skade berokken nie, as julle glo in God se oorgrote
liefde en die beskerming wat Hy julle beloof het. Want Sy geskrewe woorde
is, "kom na My almal wat moeg is,"bid en dit sal vir julle gegee word",
"klop en vir julle sal oopgemaak word!" - Hef julle oë op na Hom van waar
julle hulp kom [ Matt. 7:7 ]
Wanneer julle die Woorde van Sy liefde jul eie maak, wanneer julle julself
daardeur aangespreek voel deur julle Vader, dan sal julle julself nie verset
deur enige twyfel nie en in volle geloof wag tot die hulp kom. Daar is niks
wat Hy nie kan afweer nie, niks wat vir Hom onmoontlik is. En daarom is
daar altyd ‘n oplossing selfs as julle dit nie kan vooruitsien nie. Hy vind
waarlik die middel; Hy vind ‘n uitweg vir alle probleme.
301