DEEL 2 Reïnkarnasie - Ja of nee? - Nuweopenbaring

Die onvoorwaardelike oorgawe van ‘n aardse kind aan sy hemelse Vader is
iets geweldigs, want dit bereik alles, omdat hy in Hom glo. Waar twyfel en
bange sorge oor die toekoms ‘n menslike hart nog beswaar, daar is die
geloof nog nie aanwesig nie, die mens het hom nog nie volledig aan My
oorgegee nie en daarom gaan hy ook nog gebuk onder ‘n swaarder las, as
wat nodig is. Ek ken al julle behoeftes, My ontgaan geen enkele gedagte
nie, Ek ken die innerlike opwellinge en dus weet Ek ook, wat die mens
nodig het. En dit wil Ek hom gee. Maar ook die nog ontbrekende geloof wil
Ek hom gee en daarom sal Ek nie sy sorge wegneem, tot hy geloof gewen
het en alle sorge aan My toevertrou. Dan sal sy sorge van hom afval, dan
het hy geen twyfel en bedenkinge meer nie, dan is hy volledig gerustgestel
en seker van My hulp.
Solank julle mense dus angs het vir die toekoms, solank verontrustende
gedagtes julle besighou, is julle nog nie so met My verbind, dat julle jul as
My beskermlinge voel nie, want om daarvan bewus te wees neem alle angs
en sorge van julle af. Julle mag gerus ongeag staan teenoor die uitdagings
van die wêreld, want julle kan dit nie bedwing of vervul sonder My hulp nie.
Vertrou daarom op My en alles sal ten beste vir julle gereël word. En kan
julleself daar nie die beste van maak nie, vertrou dan desondanks op My,
want Ek sien waaragtig, wat ‘n goeie en wat ‘n slegte uitwerking vir julle
het, Ek heers met liefde en wysheid en Ek wil waarlik alleen die beste vir
julle hê.
Maar eers die volledige oorgawe aan My en die volledige onderwerping van
julle wil aan Myne verseker julle ook van My Vaderlike sorgsaamheid en
julleself kan alle sorge laat vaar. Niks kan gebeur sonder My wil of My
toelating nie, dit moet julle steeds voor oë hou, wat julle ookal oorkom. En
soos dit kom so is dit goed, want Ek waak oor elke mens, maar des te meer
oor diegene, wat My wil dien en die as My knegte ook die beskerming van
die Vader van die huis geniet. Maar wie as ‘n kind in My arms vlug, die
word ook as ‘n kind opgeneem en hy geniet Vaderlike beskerming en Sy
totale liefde.
Julle kan almal lig deur die aardse lewe gaan, indien julle die woorde van
My ter harte neem en al julle sorge op My werp, Wie julle liefhet en julle
ook wil help na innerlike vrede en ‘n lewendige geloof, Wie altyd by julle is,
wanneer julle Hom roep. Amen
Geestelike Dwang - Dogmas - Waarheid
5546 2 Desember 1952
Die Geestelike vryheid moet gehandhaaf word, die mens mag nie gedwing
word om sy gedagtes in hierdie of daardie rigting te laat gaan nie, dit moet
hom vrystaan, om homself by ‘n geestelike rigting aan te sluit, eers dan
word My Wil vervul, want dit gaan om die vrye wilsbeslissing wat elke mens
self moet neem, sonder om deur dwang beïnvloed te word. Daarom sal Ek
137