DEEL 2 Reïnkarnasie - Ja of nee? - Nuweopenbaring

Die verwerwing van geestesgawes
6241 18 April 1955
Die gawes van die Gees sal aan elke mens gegee word wat ernstig daarna
streef. Dit kan julle nie geskenk word nie, dit moet verwerf word deur die
nakoming van My gebod van liefde tot God en die naaste, deur ‘n lewe
volgens My Wil. Want sodra My Wil vervul is, bevind die mens homself in
My ordening van ewigheid en lig en krag sal hom deurstroom soos wat dit
in die begin was, aangesien hy volgens My Ewige ordening geskape is,
volmaak, dit wil sê, as ‘n wese gelyk aan My.
My Gees deurstraal die wese; en My Gees kan hulle ook nou weer
deurstraal, sodra hulle weer as mens in My Ewige ordening binnegegaan
het. Dit moet vir julle wel begryplik wees, dat My Gees nooit in ‘n mens kan
werk wat buite My ordening leef nie, dat hy dus nimmer die gawes van die
Gees sal kan besit nie.
Daarom vereis ook elke ontvangs van die woord die werking van My Gees
in die mense. Want om My Woord te ontvang, beteken om in die volle
waarheid onderrig te word, om My Wese vir julle mense begryplik te maak,
om te weet wat die beweegredes en die oorsaak is, wat die sin en die doel
van My bestuur en werke is, sodat alles vir julle duidelik is.
Om in die waarheid onderrig te word, beteken om in insig binnegelei te
word wat eens julle s’n was, wat julle egter verloor het deur julle eie skuld.
Julle almal kan dit vir julle verwerf, niemand word daarvan uitgesluit nie,
dog niemand kan dit verkry wat niks daarvoor doen nie, wat sy wese nie
omvorm tot liefde wat alleen die verbinding van die Gees wat in hom
sluimer met die Geestesgees is, sodat Ek nouself deur My Gees in hom kan
werk. Daaruit volg dat die verbinding met My steeds tot stand gebring moet
word en dat dit ‘n bewustelike strewe na My vereis. Wie homself nou met
My in verbinding stel, die het sy een voet reeds vrywillig in My Ryk geplaas,
hy het sy weerstand opgegee en sy wil geheel en al na My gekeer en wat
hom ten deel val, kan nou nie anders wees nie as: Lig en krag wat hom nou
uit My Ryk aangebied word.
Die lei in die waarheid deur My Gees, deur My Woord, is dus ’n geskenk, ‘n
gawe wat Ek elkeen laat toekom, aan hom wat homself deur eie wil tot ‘n
graad van volwassenheid opgewerk het, wat die voorwaarde is vir die
verlening van Geestesgawes.
Die mens kan steeds ongehinderd My ryk betree as Ek sy doel is. Solank Ek
egter nog eenkant toe geskuif word in sy denke en strewe, word die
toegang hom geweier. Maar hy kan dan deur My teenstander in sy ryk
binnegeloods word, wat hom laat glo dat hy by ‘n goeie doel aangeland het,
wat ook presies weet wat die mens nastreef en hom ooreenkomstig sy
verlange laat toekom wat hy soek. Dit geld vir die mense wat van
weetgierigheid vervul is, dog nie ter wille van die waarheid nie, maar slegs
terwille van eie voordeel. Die wat wil weet om iets te kan beteken, maar
326