DEEL 2 Reïnkarnasie - Ja of nee? - Nuweopenbaring

‘n Mens wat met God verbind is, kan dus waarlik sonder sorg deur die
aardse lewe gaan, omdat hom steeds liefdevolle hulp verleen word wanneer
hy na innig gebed tot My, hom dan aan My helpers toevertrou en hulle ook
om beskerming en hulp versoek. Sulke beskermgeeste en leidsliede is
deurstroom van lig en krag en dit is daarom ook vir hulle maklik moontlik
om julle aardse bestaan so te vorm dat dit vir julle leefbaar is. Dit is vir
hulle moontlik om julle uit allerlei nood te bevry wat aards op julle afkom of
deur die inwerking van slegte kragte teweeg gebring word.
Aan sulke beskermgeeste laat Ek julle oor sodra julle julself eers met My
verbind het deur julle wil, deur julle gesindheid, deur werk van liefde en
deur gebed. Dus kan ‘n mens wat hom aan My oorgegee het hom ook
steeds beskerm voel deur Myself en My hemelse dienare voer nou uit wat
My Wil is.
En My Wil sal steeds julle welsyn in die oog hou, julle wat julle al aan My
oorgegee het en My beskerming verlang. En so weet julle dat julle nooit
alleen is nie al meen julle om eensaam of deur almal verlaat te wees. Julle
is deur skare hulpwillige geeste omring, wat onder die leiding van julle
beskermengel julle al hul sorg ten deel laat val en julle teen liggaamlike en
geestelike skade beskerm.
Maar dit sal verkeerd wees as julle julself slegs met hierdie wesens wil
verbind in ‘n sekere bygeloof, as julle iets anders in hulle sou sien as My
dienare, wat eers by julle werksaam mag wees wanneer julle die
verbintenis met My al tot stand gebring het. Want sodra julle sonder geloof
in My en sonder liefde, My geestelike wesens om hulp vra, roep julle
vyandige kragte aan en plaas julle julself in hulle mag.
Want ook vyandige geeste is in julle nabyheid en wag slegs vir ‘n
geleentheid om besit van julle te kan neem en hierdie geleentheid is altyd
daar wanneer Ek uitgeskakel word uit julle denke, wanneer julle sonder My
leef en werk op hierdie aarde.
Dan kan ook julle geestelike leidsman hom nie na vore dring nie omdat
julle wil self hom dit verbied. En des te yweriger is dan die vyandige geeste
aan die werk, wat julle net so om julle heen sal kan bemerk as die goeie
wesens wat in My opdrag werk. Maar julle word onherroeplik ‘n prooi van
die slegte kragte, omdat hulle ‘n groot mag het en dit ook aanwend, omdat
julle wil hul daartoe die reg gee. Maar julle hoef hierdie slegte kragte nie te
vrees as julle wil altyd alleen My geld en julle julself in My beskerming
plaas nie. Want dan staan My talryke helpers julle tersyde, wat julle wil
dien en dan sal julle lewensweg oor die aarde steeds onder die beskerming
van julle geestelike leidsman staan, wat Ek Self aan julle tot beskikking
gestel het vanaf julle geboorte tot by julle dood. Amen
457