DEEL 2 Reïnkarnasie - Ja of nee? - Nuweopenbaring

Julle almal staan voor die stryd, wat nie alleen julle liggaam nie, maar meer
nog julle siele betref, maar tog ook die beslissing vereis van julle liggaam
omdat julle baie bedreig word en dit julle byna onmoontlik gemaak word
om stand te hou. En dan eers sal blyk wie tot My ware kerk behoort, wie
alleen My as die hoogste HEER en MAGHEBBER erken en wie My meer vrees
as die wêreldse gesag.
Geseënd wie so'n geloof besit dat hy werkelik lid is van die deur My
gestigte kerk, geseënd wie nie hom vrees wat wel die liggaam maar nie die
siel kan dood nie, geseënd wie vir hom die krag vir die stryd daar haal waar
die egte Leeraanvoerder hom bevind. Hy sal die oorwinning behaal oor sy
vyande, hy sal insien dat die hel niks kan vermag waar die God van Hemel
en aarde is, waar Sy leërskare stry, wat ook die duiwels se baas sal wees
as die hel geopen word en sy skuim op die mensdom losgelaat word.
Ja My kerk sal standhou en die poorte der hel sal dit nie oorweldig nie. Die
einde is naby en My Woord sal spoedig in vervulling gaan. Daarom, berei
julle voor op die tyd wat sal kom, maar vrees dit nie. Want alleen Ek is die
Krag en die Mag en die Heerlikheid. Amen
Onsterflikheid van die siel
5191 18 Augustus 1951
Dink daaraan wat daar van julle siele na die dood van die liggaam word,
probeer julle voor stel dat daar geen einde bestaan vir hom wat in julle
dink, voel en wil en dat die siel nie kan sterwe nie. Stel dit vir julle voor as
julle nog nie vas kan glo nie. Dan sal daar ‘n onbehae oor julle kom, omdat
die siel voel dat daar geen mooi lot op hom wag nie, omdat die geloof aan
‘n ewigelewe ook ‘n andere lewenswandel tot gevolg sou hê, ‘n lewe in
liefde, soos egter ook ‘n lewe in liefde julle die geloof sou oplewer.
Alle mense weet dat hulle liggaamlik moet sterwe, maar ‘n verder lewe van
die siel kan nie as vasstaande kennis geleer word nie. Tog kan die mens
oortuig word sonder bewys. En hierdie oortuiging bepaal nou sy dink, wil en
handel. Dan leef die mens bewus, bewus van sy taak, om hom op aarde
positief te ontwikkel en ooreenkomstig sy graad van volwassenheid vir die
siel sy lot in die hiernamaals berei. Dan dink hy aan die lewe van die siel na
die dood en is ook altyd bereid om die aardse lewe te verwissel met die
lewe in die geesteryk, omdat hy weet dat daar geen ewige dood bestaan
nie, slegs ‘n verandering van verblyfplek vir die siel.
Alle mense wat van goeie wil is, voel aan dat hulle nie net vir hierdie aarde
leef nie en hulle geloof word steeds dieper en sterker. Want wie van goeie
wil is, weerstaan die aanwysings nie wat hul deur God's Liefde gegee word
en hulle denke aanspoor. Wie van goeie wil is, beoefen ook die liefde en
dus word hulle versterk in hul geloof en verlange na lig, wat in hom
ontsteek word.
46