DEEL 2 Reïnkarnasie - Ja of nee? - Nuweopenbaring

te doen teen My mag en krag nie. Maar elkeen wat angstig sy houding ten
opsigte van My probeer verberg sal steeds swakker word, want Ek sal nie in
staat wees om hom te steun tot hy My erken nie. Daarom bly Ek julle
waarsku en herinner julle telkens weer aan My Woorde ‘Wie My vóór die
wêreld bely, hom sal Ek ook vóór My Vader wat in die hemel is bely.'
Onthou dit wanneer die tyd kom dat julle die besluit moet neem en onthou
dat dit nie tot julle nadeel sal wees nie, omdat Ek alleen kan gee en neem
en dat julle daarom eers My wil en My vereistes moet oorweeg, voordat
julle aan die vereistes van aardse magte voldoen, as dit teen My en My
naam gerig word. Dra vol vertroue wat julle bedreig as julle getrou aan My
wil bly, want Ek kan en sal alles van julle afwend as julle My openlik erken
en dan sal My mag en glorie dit self openbaar. Dan sal julle uitvind wat die
krag van geloof kan doen. Amen
Gedwonge handelinge is sonder waarde vir die
ewigheid
6621 14 Augustus 1956
Wat julle gedwonge verrig, bring julle nie tot saligheid nie. Wat julle ook
doen, moet uit ‘n mate van liefde ontspring, julle moet dit - vrywillig - uit
liefde - doen, wil julle dat dit julle geestelik seën oplewer en julle tot
voltooiing bring. En daarom kan die vervulling van ‘n gebod nooit ‘n
positiewe ontwikkeling met dit meebreng nie, tensy die gebod van die liefde
nageleef word wat Ek Self julle as die belangrikste en vernaamste gebod
gegee het, wat egter nie tot ‘n wetlike gebod gereken kan word nie omdat
die liefde iets is wat vry is, wat geen dwang verdra nie. Julle moet dus in
die liefde lewe om salig te kan word. En dit wil Ek deur My gebod bereik.
Maar werk wat sonder liefde gedoen word, is geen vervulling van My
gebooie van die liefde nie. Want Ek het julle nie beveel om werk te verrig
nie, maar om liefde te beoefen. En die liefde kan nie onder dwang geëis
word nie, die liefde moet uit ‘n vrye wil kom en uit die hart ontspring.
En so neem Ek dus as sonder nut vir die ewigheid wat uit dwang gedoen
word, selfs as dit goeie werke is, want dit het nie ware liefde as
beweegrede nie, wat die siel die hoogste (geestelike) goedere sou kan
oplewer. As die verrig van goeie werke sonder liefde al nutteloos is vir die
ewigheid, hoeveel nutteloser is dan die nalewe van die gebooie wat julle
deur mense gegee word. Alleen wat julle vry vanuit julself doen, word deur
My waardeer volgens die graad van julle liefde, nooit ag Ek egter dit wat
julle doen om pligte te vervul wat van julle geëis word, tensy julle daartoe
ook nie deur ‘n gebod gedryf word nie, maar deur die liefde tot My.
Die onderskeid moet julle steeds maak en ken, dat liefde alleen elke daad
en elke gedagte eers waarde gee, dat alles egter waardeloos is,wanneer die
liefde ontbreek. Onderwerp dan julle denke en handel aan ‘n ernstige
ondersoek, dan sal julle ook spoedig insien of julle vir julself
448