DEEL 2 Reïnkarnasie - Ja of nee? - Nuweopenbaring

Is die hart gefassineer deur My Woord, dan is ook die verbinding met My
tot stand gebring en My teenwoordigheid in hom verseker. Dan gee die
mens met sy hart ook aan geen enkele geestelike rigting voorkeur nie,
maar alleen aan My kerk, wat Ek Self op aarde gestig het. Waarheen egter
elke kerkelike organisasie kan lei wat My goddelike leer van die liefde
verkondig en waarvan die geloof in Jesus Christus as Seun van God en
Verlosser van die wêreld (en God Self in Hom erken = uitg.) ‘n vereiste is.
Daarom, bestry mekaar nie solank al julle strewe op My gerig is, want dan
lei Ek julle op die regte weg, op die weg van die waarheid, wat na die ewige
lewe voer. Dan sal elkeen wat tot My kerk behoort insien welke lerare van
die suiwer waarheid afwyk. Hy kan dan self die geestelike blindes lei, wat
onwetend van die gevare sy weg gaan wat nie tot die doel voer nie. En
soek ook hulle wat nog blind is ernstig, dan laat hulle hom ook graag lei en
is dankbaar vir elke hulpverlening, omdat hulle nou My leiding besef sodat
wie My ernstig soek, deur My liefde omvat word en ook My liefde gewaar
word.
“Ek is die weg, die waarheid en die lewe”. Wie dus streef na My, wie se hart
na My gewend is, kan nie verkeerd gaan nie. En al leef hy nog in die digste
duisternis, dus nog ver van die waarheid verwyder, tog beland hy in My
kerk, wat Ek Self op aarde gestig het. Want sy verlange na My, sy geloof in
My, is die fondament waar My kerk op gebou is. Want alleen ‘n diep,
lewende geloof streef na My, alleen ‘n diep gelowige mens het die verlange
van sy hart op My gerig en deur hom laat Ek My waarlik vind. Amen
Die weg na Golgota - Die navolging van Jesus
5791 16 Oktober 1953
Om die weg na Golgota te gaan, is die ware navolging van Jesus. Julle sal
dit wel begryp as julle glo dat Jesus vir julle hierdie weg gegaan het, dat Hy
terwille van julle sonde alle smartlike kwellinge van hierdie gang na die
kruis op Homself geneem het, dus van julle die leed afgeneem het en dit
Self vir julle gedra het. En julle geloof daaroor is ook korrek. Hy het vir julle
die skuld tot niet gemaak deur Sy lyding en sterwe aan die kruis.
Maar die bekroning van Sy weg oor die aarde was die vereniging met Sy
Vader van Ewigheid. Hy het Homself vir ewig met Hom verenig. Hy en die
Vader het Een geword. En om die doel te bereik is die navolging van Jesus
die enigste weg. En om die doel te bereik moet die mens ook ‘n aardse
lewe vol leed op homself neem, hy moet geduldig die weg oor die aarde
gaan tot die einde, al bring dit hom nog groot leed op die hals, nog sulke
groot teenspoed en ontberinge. Hy moet die kelk leeg drink tot op die
bodem, maar steeds die goddelike Meester en Heiland voor oë hou; sy hele
strewe moet wees om Hom na te volg en met Wie hy ook verenig sou wil
wees tot in alle ewigheid. Van Hom sal die mens ook krag kry en as die
206