DEEL 2 Reïnkarnasie - Ja of nee? - Nuweopenbaring

En daarom is die weg van heil niks anders as die weg van die liefde tot God
en tot die naaste nie, want deur die liefde maak die mens hom vry van die
vyand van sy siel, deur die liefde verkry hy die mag oor hom, deur die
liefde ontvang hy onophoudelik krag uit God en deur die liefde bring hy die
vereniging met God tot stand, die ewige Liefde Self. Dan het sy siel
genesing gevind van ‘n kwaal wat hom deur die sonde aankleef, deur die
afval van weleer van God, wat Sy teenstander veroorsaak het omdat hy
sonder liefde was. Dan is sy siel weer verenig met die ewige Liefde, want
Jesus Christus Self het tot by die Oerbron van krag gekom, Hy het as ware
kind van God teruggekeer in die vaderhuis, omdat Hy die ware weg, die
weg van heil gegaan het, wat Hy self aangewys het. Amen
‘n Aanwysing op die nabye einde - Die laaste dag
5159 26 Junie 1951
Julle almal sal My barmhartigheid ondervind en in die laaste tyd duidelik
gewys word op die einde, deurdat julle baie veranderinge rondom julle sal
kan waarneem: Die vergaan van aardse goedere, die skielike sterwe van
julle medemens, wat midde in hulle lewens weggeruk sal word, vreemde
veranderinge in die natuur en alles ooreenstemmend met ou profesieë, wat
Ek deur sieners en profete maar steeds weer aan die mense laat toekom
om hulle op hierdie laaste tydperk opmerksaam te maak.
Julle word slegs aangespoor om na te dink en die vraag wat aan julle
voorgelê word, is watter lot julle tegemoet gaan. Sowel aards as geestelik
sal ‘n onrus julle oorval, want die aardse gebeurtenisse sal julle beangs
maak en sal ook aanleiding gee tot geestelike gedagtes, omdat julle
onbewustelik voel dat julle nog erg gebrekkig daarmee gesteld is. Al die
aardse gebeure sou julle nie laat skrik het, as julle die ordening in
geestelike opsig in stand gehou het nie, maar julle soek in die aardse ‘n
vervanging vir die geestelike en aangesien dit nou eers onseker vir julle
voorkom, word julle gedagtes tog op die vraag gerig: Hoe sal ek myself
staande hou wanneer alles ten einde geloop het?
En hierdie vraag moet in julle opkom, daarom laat Ek soveel nood oor die
mense kom, want daar bly nie veel meer tyd vir julle oor nie, maar tog nog
genoeg as julle ernstig wil verander. Dit is alles barmhartigheidsmiddele
van die noodlot wat julle nog tref voor die einde, ook wanneer julle nie as
sodanig wil luister nie, maar dit kan julle nog tot besinning bring, hoe
armsalig dit ookal met julle gestel is, in geval julle skielik weggeroep word
van hierdie wêreld.
Let op alle gebeurtenisse om julle heen, hou julle oë en ore oop en laat aan
julself sien dat daar nog ‘n vonkie verantwoordelikheidsgevoel in julle
aanwesig is, wees nie onverskillig nie, keer in julle binneste en beskou in
stilte julle eintlike waarde, wanneer julle voor My verantwoording moet
doen op die laaste dag. Want die laaste dag is vir elkeen die dag van sy
29