DEEL 2 Reïnkarnasie - Ja of nee? - Nuweopenbaring

Maar hulle slaan geen ag op wat Ek hul leer nie. Hulle volg My nie na nie,
omdat hulle nie in My en My leer glo nie. Hulle lei ‘n aards lewe wat ver
verwyder is van Myne. Hulle laat die liefde geheel buite beskouing en
bevind hulle derhalwe nie op die weg wat omhoog voer nie. Want sonder
liefde is daar geen verbinding nie, sonder liefde bestaan daar ‘n wye kloof
tussen julle mense en julle God en Vader van ewigheid.
Alleen die liefde oorbrug hierdie kloof. Alleen die liefde is die weg tot die
Hart van die Vader en alleen die liefde is die krag wat julle hierdie weg laat
gaan, wat krag en inspanning kos. Wie die weg van die liefde nie wil gaan
nie, die sal nooit uit die diepte opstyg nie. En Ek kan hom ook nie My Hand
gee om hom omhoog te trek nie, want hy sal dit nie vashou solank hy
sonder liefde is nie.
Hy moet My uit vrye wil navolg, want Ek gebruik nooit dwang as ‘n mens
My nog weerstreef nie. Liefde duld geen dwang nie, maar verlos hulle wat
nog gekluister is. Ek kan julle mense alleen maar onderrig en julle dringend
aanspoor om julle te oefen in die naasteliefde, julle sal moet wil dat julle dit
My kan nadoen, sodat Ek julle kan help, omdat julle die wil het om My na te
volg.
Stel julle daarom altyd My lewenswandel voor oë en doen moeite om My dit
na te doen en julle sal dan ook seker My hulp ervaar. Want wie sy oë op My
rig die sal ook die krag ontvang om die weg van navolging van Jesus te
gaan en hy sal ook sy doel bereik om met My verenig te wees. Amen
Die Opstanding
5934 18 April 1954
"Verheug julle en jubel dit uit, want Hy het uit die dode opgestaan” So klink
dit uit die monde van Myne en hulle glo in My, dat Ek Jesus Christus was,
die Gesalfde van die God, dat Ek werklik en waaragtig God was en die
wêreld verlos het deur My kruisdood. Ek het opgestaan uit die dode. Ek het
hul daardeur die bewys gegee van die waarheid van My woorde: "Breek
hierdie tempel af en Ek sal hom in drie dae weer opbou". Ek het die mag
van die dood gebreek.
En My opstanding moes bewys wees vir die mense, dat die lewe nie verby
is met die dood van die liggaam nie. Hulle moet leer glo aan ‘n lewe na die
dood en daarom laat Ek vir die mense sigbaar gebeur wat elke siel kan
verwag na die afsterwe op aarde. Want die geloof ontbreek almal en selfs
die priesters en skrifgeleerdes wys op die dood van die profete as ‘n bewys,
dat ook die godvrugtigste mense ten prooi val aan die dood. Want van die
geestelike gevolge van die lewenswandel wis hulle niks, die opstanding van
die siel betwyfel hulle en daarom ook was die leringe van die mens Jesus
vir hulle onbegryplik en lastig. En Ek wou die geestelike gevolg van die
nalewe van My leringe duidelik aan die mense laat sien.
250