DEEL 2 Reïnkarnasie - Ja of nee? - Nuweopenbaring

optrede teen Myne om ook nog die laaste gelowiges wat aan hom
weerstand bied, tot afval te bring.
Daar sal vir Myne ‘n tyd van bittere nood aanbreek. En tog sal dit draaglik
wees, omdat dit ‘n buitengewone barmhartigheidsgawe is wat hulle in
ontvangs mag neem, want Ek laat Myself sien waar die mense sterk
bedreig word. Ek ken elkeen se wil en houding teenoor My en Ek laat
waarlik nie dat My teëstander die oorwinning oor die siele behaal nie,
bowendien is die einde naby en omdat My gelowiges My in hulle hart trou
toegedaan is, kan Ek My nou ook buite die wet openbaar om hulle krag te
skenk.
En meer sal My te siene kry en dan kan geen mag ter wêreld hulle meer
van hulle geloof in My afbring nie. En as Ek dit van hulle sou verlang, sou
hulle ook hul lewe met vreugde vir My gee. Maar Ek sal die wrede spel van
My teëstander beëindig en wanneer hy glo dat hy gewen het, sal Ek kom in
die wolke en die lewende en die dode oordeel. Amen
Die wegneming
5607 20 Februarie 1953
Slegs ‘n klein skare sal My aan die einde van die aarde in alle heerlikheid
kan aanskou, want hulle sal weggeneem word voor die oë van hul
medemens. Die agterblywendes sal dan prysgegee word aan die
liggaamlike - en wat veel erger is, aan die geestelike dood. So gou as wat
Myne die aarde verlaat het, sal die vernietiging plaasvind en alles wat in,
op en bo die aarde leef, sal deur die vlammende elemente verteer word,
wat uit die aarde sal uitbreek en geen skeppingswerk sal oorslaan nie.
Maar Myne sal nie deur die vernietigingswerk getref word nie, want Ek sal
hulle al vooraf wegneem. Die aanblik van hulle plotselinge wegneming sal
die mense met ontsetting slaan, want Myne sal voor hulle oë in die hoogte
verdwyn. Slegs Myne sal My egter kan sien wanneer Ek in alle prag en
heerlikheid sal kom, vir die ander sal Ek onsigbaar bly, omdat hulle wat in
die hande van My teenstander geval het, nooit meer My heerlikheid sal kan
aanskou nie. Maar voordat hulle tot besinning sal kom oor die bonatuurlike
verskyning van die wegneming, sal hulle einde reeds gekom het, want die
aarde sal homself open en almal verslind wat van My afgeval het en dit bly
tot aan die einde.
Die gebeurtenis van die wegneming is onbegryplik vir die mense van
hierdie aarde, want daar speel iets af wat heeltemal in stryd is met die
wetlike orde. Iets onnatuurlik, wat ongelooflik sal wees vir hulle wat nie in
My glo nie en nie van My verlossingsplan van ewigheid af wil weet nie. Tog
sal dit gebeur soos wat Ek vir julle aangekondig het: Die mense wat nog
liggaamlik lewend is, sal Ek verplaas na ‘n oord waar daar vrede is en dit
sal in één oomblik geskied. Hulle sal hierdie gebeurtenis self bewustelik
belewe en vol lof en jubeling vir My wees. Hulle het die toets van
156