DEEL 2 Reïnkarnasie - Ja of nee? - Nuweopenbaring

die wêreld nog te veel aandag skenk, terwyl die siele in die hiernamaals
alleen dit as krag, as weldaad ervaar, wat hulle deur julle aangebied word.
Want die kragstroom in die hiernamaals wat hul deur ligwesens toegestuur
word, sien hulle eers dan as sodanig as hulle die eerste insig verkry het,
wanneer hulle met julle hulp uit die ryk van die duisternis of die skemering,
die poort tot die lig gevind het. Dit kom omdat hulle hul nog te veel in die
nabyheid van die aarde ophou en daarom ook van die aarde uit makliker
beïnvloed kan word, as deur die wesens van die lig. Hulle staan egter reeds
as helpers agter hulle en maak hul die begrip van wat hulle deur julle
aangebied word gemakliker.
Steeds egter staan hulle in die stroomkring van die Goddelike krag. Steeds
word hulle deur My liefdeskrag aangeraak en bespeur Sy werk. Maar Ek
Self kan geen direkte invloed uitoefen solank hulle hul weerstand nog
volhou, solank hulle nog in die gebied van die duisternis bly waaruit julle
hulle egter kan bevry deur liefdevolle voorligting, deur voorspraak en deur
beïnvloeding d.m.v. gedagtes. Alle goeie gedagtes voel hulle as krag, op
aarde sowel as ook in die geesteryk. En daarom moet julle ook julle mense
alleen goeie gedagtes verkondig, dan sal julle hulle ook die krag besorg wat
hul ontbreek om tot ‘n innerlike ommekeer te kom. Want al die goeie
gedagtes, wil en handel het ‘n verlossende uitwerking, want dit is die krag
wat nooit sonder resultaat bly nie. Amen
Aarde skool van die geeste - Middel tot die doel -
Doel op sigself
5750 18 & 19 Augustus 1953
Beskou die aarde slegs as ‘n skool vir die gees, as verblyf vir julle siele om
volwasse te word, wat nog deur die skool moet gaan, voordat julle die
geesteryk binnentree. Julle kan nie onder dwang so gevorm word, dat julle
geskik is vir die geesteryk nie; julle moet die omvorming self volbring. En
daarvoor is julle die aardse lewe geskenk.
Dog julle mense sien nie die betekenis en die doel van die aardse lewe in
nie, julle benut dit in ‘n ander opsig, julle probeer daar alleen maar
voordeel vir die liggaam uit te haal en dink nie aan julle siele nie, julle
beskou die aardse lewe as die doel op sig self, terwyl dit die middel is tot
die doel, die middel om vir die geestelike die laaste volwassenheid op te
lewer. Om die wilsproef af te lê is die eintlike taak, wat julle tydens die
aardse lewe moet vervul, wat egter in alle vryheid afgelê moet word, om
welke rede julle dan eers opheldering sal kry oor die betekenis en die doel
van die aardse lewe, wanneer julle julself ernstig met die vraag besig hou.
God gee julle egter die verstand, dat julle te alle tye die vraag kan stel,
waarom en tot welke doel julle, julle op aarde bevind. Stimulering tot die
vraag is daar genoeg om julle heen, maar die vraag moet in volledige
vryheid uit julle na vore kom, om nou ook reg beantwoord te kan word.
192