DEEL 2 Reïnkarnasie - Ja of nee? - Nuweopenbaring

korrekte begrip kan nie vir julle mense gegee word nie, veeleer sal julle
eers die voorwaardes moet vervul wat julle ‘n volledige begrip waarborg en
hierdie voorwaarde is nou eenmaal dat julle die Gees in julle moet laat
ontwaak, omdat hy julle onderrig, julle denke korrek lei en julle die begrip
gee vir hoër wysheid, wat julle as mens sonder hulp, slegs met julle
verstandelike denke, nie sal kan begryp nie.
Dit is heeltemal futiel om in die goddelike skeppingsgeheime te wil
deurdring, sonder die hulp van die Gees, wat as deeltjie van God, alles
weet en julle mense ook die kennis kan meedeel. Sonder die werksaamheid
van die Gees sal julle dus nooit insig verkry in die goddelike skeppings- en
heilsplan nie, of, as die kennis daaroor van buite af vir julle gebring word,
dit nie kan begryp nie. Wat julle egter daaroor deur die Gees uit God
verskaf word, is die volle waarheid en sal julle insig vergroot, want dit het
van God uitgegaan, dit is ‘n regstreekse oorbring van die waarheid wat sy
oorsprong in God het.
Die hele skepping, aards en geestelik, is die tot vorm geworde Wil van God,
in Sy liefde gegrondves en Sy wysheid bepaal die doel daarvan. Dus is elke
skeppingswerk in sy ontstaan en sy doelmatigheid vol wysheid oordink en
in die hele skepping ingepas, soos wat God dit van ewigheid af, as in hoë
mate heilsaam, ingesien het vir die geestelike wat homself positief moes
ontwikkel. Elke skeppingswerk is die vervollediging van ‘n ander en die hele
geestelike en aardse skepping is ‘n onbegryplike – geestelike saamgestelde
geheel, wat wag op sy ontbinding.
Die mens is slegs in staat om die kleinste stukkie in sy Gees op te neem en
dus moet hy homself ook tevrede stel met verklarings wat slegs ‘n swak
denkbeeld aan hom gee, wat slegs in growwe trekke die sin en doel
daarvan begryplik maak, wat uit God se skeppende hand voortgekom het,
waar die diepste geheime, die mens nie kan deurgrond solank hy nog in
aardse materiële omhulsel op aarde is nie, omdat sy geestelike horison
begrens is, omdat hy alle voorstellingsvermoë mis om skeppings wat buite
die aarde bestaan te kan begryp.
Maar vir sy liggaamlike oë is tallose sterre sigbaar wat dus ook as
skeppings van God in die oneindige heelal rondtrek en op oneindige afstand
van die mens hulself beweeg in bane wat wetmatig vasgelê is. Hierdie
sterre is wel deur hom te sien, maar nie met sy verstand te ondersoek nie.
Dit is wêrelde waar, of ‘n soort vooropleiding, of die verdere ontwikkeling
van menslike siele plaasvind, omdat daar ontelbare sfere is wat die siele,
wat tallose verskillende grade van volwassenheid besit, tot verblyfplek
dien. Beskou alle sterre wat deur julle oë te sien is, as verblyfplekke vir
verdere ontwikkeling van die geestelike, dan is die sin en doel van die
sterre al op sy duidelikste vir julle verklaar.
Die hele skepping, dus alle hemelliggame van aardse materiële of
geestelike aard, word deur ‘n Wil gelei en alle skeppingswerke is
onderworpe aan die wet van die ewige ordening, waarvan die grondlegger
89