DEEL 2 Reïnkarnasie - Ja of nee? - Nuweopenbaring

deur wie die geestelike wesens hul uiter, wat dan die regte spreekorgane
van hierdie wesens is, moet op hul hoede wees om nie deur laer kragte
misbruik te word nie. Hulle moet hul nie deur mooi woorde laat verblind
nie, want dit is die masker van hom wat die vyand van die waarheid is.
Want mooi woorde is die middel om toegang te kry tot die kring wat My wel
in erns soek, maar wat tog die wêreld nie geheel opgegee het nie. Hul
ontbreek nog My voortdurende teenwoordigheid en daarom is hulle ook nie
veilig teen die verleidings van laer kragte nie.
Dog My Woord word julle, mense duidelik en suiwer gegee, omdat Ek vir
Myself die dienare gekies het wat Ek geskik ag vir die amp van ontvang en
versprei van My Woord, wat Ek ook sal versorg solank hul wil alleen op My
gerig is en hulle My as werktuig wil dien. Want nooit sal julle, julle kan
bekla dat die suiwere waarheid julle weerhou word nie. Steeds sal Ek My
Woord na die aarde stuur en ook sorg daarvoor dra dat dit verbrei word,
omdat die sieleheil van die mense daarvan afhang dat hulle in die waarheid
onderrig word. Amen
"Die poorte van die hel sal dit nie oorweldig nie"
5186 9 Augustus 1951
Die poorte van die hel sal nie My kerk oorweldig, wat Ek Self op aarde
gestig het nie. Die hel sal hom wel open en alles uitspu om die mag en die
krag van My teenstander te versterk. Alle duiwels sal tekeregaan teen die
klein skare van gelowiges, wat in waarheid My kerk uitmaak. Die hel self
sal sy mure bestorm, maar My kerk sal standhou, want die gelowiges
beskik oor groot krag. En omdat die einde naby is probeer Ek nog die
mense wat swak is in die geloof, in My kerk op te neem, ook hul geloof
moet nog sterk en onwankelbaar word voor die einde kom.
Die hel sal geen mag hê oor hom wat vas glo nie, want hulle behoort aan
My kerk en Ek as Stigter van die kerk, sal hom waarlik beskerm teen die
aanval van die hel. Julle mense staan kort voor die einde en julle weet nie
wat dit beteken nie. Julle weet nie van die geestelike stryd tussen Lig en
duisternis nie, tussen waarheid en leuen. Julle weet nie dat die aarde in
totale duisternis is omdat die mag van die duisternis oor hom heers nie en
julle mense self hom die mag gegee het. Die stryd in die wêreld van die
geeste is vir julle nog nie duidelik nie, maar dit sal heel vinnig vaste vorm
aanneem wat julle laat sien hoe naby het einde is.
Die geloofstryd sal baie spoedig begin. ‘n Stryd, wat van die kant van die
maghebbers afgekondig sal word teen almal wat nog glo, teen almal wat lid
is van ‘n geestesrigting wat My as hul Skepper en Vader erken en wat na
die geestelike strewe vanuit ‘n innerlike oortuiging lewe en hulle nie met
die aardse dood ophou nie. Al die mense sal aangeval word, boosaardig
verdruk en brutaal beveel word om hul geloof te verloon.
45