DEEL 2 Reïnkarnasie - Ja of nee? - Nuweopenbaring

en daarom kom Ek Self julle tegemoet, nog in die laaste uur want spoedig
is die einde ‘n feit. Amen
Barmhartigheid
5943 27 en 28 April 1954
Julle sal barmhartig moet wees en steeds daaraan dink dat julle sonder My
Barmhartigheid vir ewig verlore sou wees. Maar die barmhartigheid lê ook
ten grondslag aan die liefde, wat wil help waar hy lyding sien. Die mens
wat in hom erbarming voel met sy medemens is nie sonder liefde nie, want
anders sou hulle noodlot hom nie raak nie. Die barmhartigheid is ‘n ander
vorm van die liefde, want die liefde probeer om gelukkig te maak, die
barmhartigheid probeer eers leed af te wend en die leed van die medemens
wek medelye op by alle gevoelige mense, hy voel m.a.w. mee en kan tot in
sy binneste geraak word en daarom is hy tot hulp bereid.
Liefde kan ook gesien word sonder tasbare nood en ook in volledige
onbaatsugtigheid kan die mens gee en gelukkig wil maak. Maar ook ‘n
mens wie se hart wat koeler of nugterder is, kan deur die nood van die
medemens gegryp word dan kom die erbarming tevoorskyn, die liefde van
die mens word ontsteek, die ellende van die ander gee aanleiding om in
liefde werksaam te wees en ‘n werk van erbarming sal ook die mens My
erbarming oplewer as hy in nood is.
Ek sien al julle sonde en swakhede en julle toestand boesem My medelye
in, ofskoon julleself skuld daaraan het. So ook moet julle erbarming
diegene geld wat deur eie skuld in die ellende geraak het, die erbarming
moet nie as regter optree nie, dit moet ook geld vir die mens wat veragtelik
is, want die nood van die medemens is waarlik vereffening vir die se skuld
maar tog kwellend en beklaenswaardig.
Wat sou julle lot wees as Ek geen erbarming gehad het met julle en selfs
julle groot skuld nie tot niet sou gemaak het deur My Liefde nie? Wel was
julle lot regverdig want julself het dit in vrye wil gekies. Maar Ek kyk en
sien alleen julle swakhede, julle geestelik dieptepunt en julle boeie wat My
teenstander julle aangesit het. Ek sien julle onmag om julle ooit uit hierdie
boeie te bevry. En nou neem My Erbarming die plek in van die
geregtigheid. Ek help julle om vir goed van hierdie boeie vry te word Ek
stuur die Verlosser Jesus Christus na die aarde in Wie Ek Self My beliggaam
en teen hom stry wat julle gevange hou.
My Erbarming kon en wil julle nie langer in sy kettings laat nie. Die
Erbarming slaan dus geen ag op julle eie sonde nie, maar help julle veeleer
om hiervan vry te word. En so sal julle ook barmhartig moet wees, julle sal
moet help. (28 April) Gedryf deur die liefde om die nood van julle
medemens te beëindig, julle sal erbarming moet hê met diegene wat
skuldig is en daarom eintlik die reg op julle hulp vir hom verspeel het, maar
julle sal nie hulle skuld ingedagte moet hou nie, maar wel hul ellende.
254