DEEL 2 Reïnkarnasie - Ja of nee? - Nuweopenbaring

Hul kennis is baie beperk en is heeltemal nie volgens die waarheid nie. En
kom dit met die waarheid in aanraking dan bestry hulle dit. Tog probeer
hulle dit bewys met die woord van God. Dit is nie hul ontwaakte Gees wat
hul hierdie plekke in die Skrif laat vind nie, maar My teenstander, wat selfs
My woord tot eie voordeel gebruik as hy verwarring kan saai. Wat hom
geluk waar alleen die verstand van die mens besig is en Ek Self nie om
verliging van die Gees aangeroep word as die mens opheldering verlang
nie.
Die letter maak dood, dit is die Gees wat lewend maak. Wie hulle nie aan
My oorgee dat Ek hulle denke reg kan lei nie, vir hulle sal die letter waarlik
die dood beteken. Want ook My teenstander kan die letter bedien, wat hy
op ’n ander manier uitlê en so die grootste dwaling vir die mense
aanneemlik maak.
Die is waarlik ‘n bedenklike leer, die leer van die doodsslaap van die siel.
Die is ‘n leer wat ook in die hiernamaals die hewigste verontwaardiging
teweeg bring by die siele wat hulp nodig het, wat weliswaar lewe, maar tog
so swak is dat hulle dankbaar is vir elke toevoer van krag, wat ‘n gebed in
liefde hulle kan gee.
Die mense moet opreg in hul gebed aan die siele dink wie se verwante op
aarde in hierdie dwaalgeloof lewe, omdat ook hulle kragtig word en
opwaarts gaan en nou van hul kant af weer deur gedagtes hul verwante
kan beïnvloed. ‘n lewe in liefde op aarde sal die siele ook spoedig ‘n
duidelik insig gee. Maar hulle moet hulle eers van die dwaalleer vrymaak
voordat hulself ‘n arbeidsveld toegewys word, omdat alle werk in die
geesteryk in die verkondig van die suiwer waarheid bestaan.
Gelukkig sy daarom die siele wat al op aarde ’n lewe van liefde lei en
daarom maklik kan loskom van verkeerde opvatinge en geestelike kennis
wat foutief is. Die ander bevind hulle egter in die grootste nood, want elke
dwaalleer het ‘n skadelike invloed op die siel en die leer van die doodsslaap
van die siel in die besonder. Want hulle kan werklik tot ‘n verduistering lei
wat gelyk is aan die dood, omdat die moontlikhede vir hulpverlening
minder word deur die idiee dat gebede geen nut het nie. Wie hulle egter in
opregtheid tot My wend sal helder en duidelik insien hoe verkeerd hierdie
leer is. Amen
In Die besonder word hulle wat na die geestelike
strewe in die noute gebring
6545 12 Mei 1956
Die mense wat opwaarts strewe is in die besonder blootgestel aan die
aanvalle van My teenstander en hy wend die mees verskillende middele aan
om sy doel te bereik om hulle weer van My afkerig te maak en na benede
in die diepte te trek. Hy is so verblind, dat hy glo hy is reeds suksesvol,
omdat hy nie weet, dat hy hierdie siele al verloor het deur hulle wil, wat My
416