DEEL 2 Reïnkarnasie - Ja of nee? - Nuweopenbaring

Om julle mense nou dit te laat weet en die insig te gee, spreek Hy self julle
aan, Hy laat julle Sy Woord verneem en Hy onderrig julle deur Sy Woord,
Hy gee julle Sy wil in oorweging, waarvan die vervulling julle onvermydelik
weer die graad van volwassenheid oplewer wat julle vrywillig opgegee het.
Hy verlang slegs die omvorming van julle wese na liefde. As julle Sy wil
vervul, dan is ook julle positiewe ontwikkeling gewaarborg, dan vervul julle
jul aardse opdrag, dan is die weg uit die diepste diepte na bo met sukses
afgelê, omdat julle weer verenig is met God, van Wie julle jul destyds
afgeskei het en dat julle nou verenig bly met Hom tot in alle ewigheid.
Amen
Materiële Instelling
5705 22 Junie 1953
Julle mense het julle blik tot die wêreld gewend en julle streef slegs na
aardse skatte. Julle soek net om die liggaamlike begeertes te bevredig en
julle beweeg julself maar net op ‘n gebied waarin die materiële oorheersend
is, maar al die geestelike druk julle dood. Julle liggaam is egter maar net
die omhulsel van wat bestaande bly na die liggaamlike dood; julle liggaam
is maar vir ‘n kort tydjie die woning vir julle siele. Dit is die siel wat deur
die aardse lewe tot volwassenheid moet kom, wat julle egter, deur julle
verlange na die materiële, gebrek laat ly en dit daarom in
kommerwekkende toestand die geesteryk laat ingaan.
Die materiële wêreld is die ryk van die gekluisterde geestelike, waar julle as
mens wel in woon, maar wat julle laaste stadium is vir die ingaan in die
geesteryk. Solank die wêreldse gees in julle nog so sterk is dat julle steeds
na aardse goedere verlang en slegs ywer en werk vir die wêreld, solank is
julle ‘n slaaf van die materie. Terwyl julle dit as "meester van die materie"
tog moes oorwin het. Julle gebruik al julle lewenskrag maar net om die ryk
van God se teenstander te versterk, wanneer julle die wêreld en sy goedere
nastreef.
Julle moet egter julle lewenskrag benut om vir julle geestelike goedere te
versamel, om skatte te verwerf vir die ewigheid. Julle moet vrywillig
afstand doen van goedere wat verganklik is, wat eenmaal van julle
weggeneem word en wat julle nie kan saamneem na die ewigheid nie. Julle
moet dus julle lewenskrag gebruik om onverganklike goedere vir julle te
verwerf waarmee julle kan werk in die geesteryk, wat vir julle ‘n rykdom
beteken wat julle waarlik salig sal maak.
Julle staan hoër as alle materiële skeppings, want dit is slegs geskape sodat
dit julle ten dienste kan staan in julle voleinding. Julle mense ontken egter
die waarde en streef die wêreld na, in plaas van om te erken dat dit
hinderlik is vir julle geestelike ontwikkeling. Julle dien die materie in plaas
van dat die materie julle dien, julle laat julself deur hom beheers en word
tot slaaf van die materie.
181