DEEL 2 Reïnkarnasie - Ja of nee? - Nuweopenbaring

word deur die waarheid, terwyl elke misleide onderrig ‘n vervorming van
My Wese sal wees, ‘n beeld wat My nie as die volmaakte nie, maar as
onvolmaakte Wese sal voorhou en daarom kan julle mense reeds julle eie
toets maak en sonder aarseling dit as verkeerd verwerp wat julle daartoe
beweeg om die volmaaktheid van My Wese te betwyfel. Wat ook al My
liefde, My wysheid of My almag twyfelagtig laat lyk.
Ek wil dat julle My as julle mees liefdevolste Vader van ewigheid herken,
Wie se wysheid onoortreflik is en vir wie geen beperking van mag bestaan
nie. Ek wil dit hê omdat julle slegs ‘n volmaakte Wese kan liefhê en omdat
Ek julle liefde wil wen. Daarom sal Ek julle altyd ‘n ware lig gee en Ek sal
die lig op elke misleide leerstelling werp sodat julle dit kan herken as
misleiding, anders sou julle ewig in duisternis bly en julle liefde van My
weerhou omdat julle My nie ken nie. Om hierdie rede stuur Ek die waarheid
Self na julle omdat dit slegs selde nog op aarde gevind kan word. Daarom
kies Ek ‘n manier om Self met julle te praat, omdat geen onwaarhede ooit
uit My mond kan kom nie en dat julle nie nodig het om bang te wees dat
My Woord reeds deur menslike wil vervormd is nie, wat deur My
teenstander beïnvloed kan word.
My direkte Woord van bo waarborg julle die absolute waarheid, omdat Ek
wil dat die waarheid aan julle gegee sal word en omdat Ek in staat is om My
wil effek te laat neem. En elkeen wat nietemin nog twyfel of Ek Self My
Woord aan julle mense stuur moet toets of die ontvangde geestelike kennis
‘n God van liefde, wysheid en almag openbaar en of dit getuig van ‘n hoogs
volmaakte Wese.
En julle sal niks daarin vind wat kan maak dat julle daaraan twyfel nie.
Maar vergelyk dit nou ook met die onderrig wat julle tot dusver gehoor het
en as 'waarheid' aanvaar het en die God wat aan julle voorgehou was sal
baie menslike tekortkominge hê. Hy sal aan julle as ‘n bestraffende,
onregverdige en nouliks liefdevolle God voorgehou word, wat julle seker
vrees maar nie sal kan liefhê nie, Wie nie vir julle wys en magtig in sy
onvolmaaktheid lyk nie, want die regte verduideliking kan nooit aan julle
gegee word nie omdat Ek dit vir My reserveer en Ek die waarheid stuur
waar die fondament vir dit in die hart van ‘n persoon gelê is, sodat hy My
Woord direk kan hoor. En as julle mense in ‘n God glo moet julle ook
oortuig wees van die volmaaktheid van Sy aard. En hierdie geloof, hierdie
oortuiging, is wat Ek aan julle deur My Woord wil gee, sodat die waarheid
julle gelukkig kan maak en julle dan ook leer om My lief te hê en die
begeerte het om met My te verenig. Slegs die suiwer waarheid sal hierdie
begeerte in julle laat opkom.
Maar Ek wil dat julle My vrywillig benader. Daarom kan Ek dit slegs bereik
deur die stuur van die waarheid wat My Wese aan julle sal openbaar, wat
op sigself liefde, wysheid en almag in absolute volmaaktheid is. Amen
390