DEEL 2 Reïnkarnasie - Ja of nee? - Nuweopenbaring

Die kindskap van God is die hoogste graad van geluksaligheid wat My
skepsele kan bereik. Ek stel wel eise aan julle maar dit is nie onvervulbaar
nie, omdat Ek julle voortdurend met My Liefde en genade by staan, omdat
Ek niks van julle verlang wat julle krag te bowe gaan nie, veeleer steeds My
eise aan julle geestestoestand aanpas. Maar as julle dus probeer om ‘n
lewe in liefde te lei, sal alles vir julle ook makliker wees omdat die liefde
self krag is en julle deur liefde gestadig julle krag kan laat toeneem.
Bowendien trek julle Myself deur die liefde aan, julle trek die Vader en die
Vader trek julle aan en julle bereik dan met sekerheid julle doel, julle word
My kinders en neem heeltemal besit van My Hart en Ek hou julle nie tee
nie, want Ek verlang na My kinders, wat My Liefde voortgebring het en Ek
wil hul onbeperkte hemelse vreugde berei tot in alle ewigheid. Amen
Die dwaling van die menslike strewe na aardse
goedere
5100 5 April 1951
Alles wat julle op aarde julle eiendom noem kan van julle afgeneem word,
as dit My Wil is. Julle kan julle daarteen nie verset nie, maar julle moet julle
daarna voeg. Ek maak julle egter steeds oplettend daarop dat julle, julle
hart nie aan aardse goedere heg nie, omdat dit nie blywend is nie. Julle kan
julle egter van ‘n geesterykdom verseker wat julle nie afgeneem kan word
nie, wat julle voortdurend kan vergroot, in die besonder in die tyd van
groot nood wat oor julle kom. Dan sal julle kan uitdeel en groot seën sal
hulle ontvang wat hulself die skatte uit die geesteryk as geskenk laat gee.
Want hierdie skatte besorg julle die ewige lewe. Aardse goedere kan julle
nie vir julle dood versorg nie, egter wel die geestelike goedere vir die dood
van die gees.
Al die aardse sal vergaan en julle is ook in gevaar om die liggaamlike lewe
te moet prysgee. Dan is al julle besittings niks meer werd nie. Bly julle
egter in die lewe, dan is julle gedagtes anders gerig, want dan sien julle die
waarheid van My Woord in, wat julle steeds op hierdie nood oplettend
gemaak het.
Ek weet wie van julle getref word, deur My Wil. Wat Ek daarmee beoog is
egter nie tot julle skade nie, maar alleen tot voordeel vir julle siel. Ek weet
juis dat die afsonderlike mens nog kwesbaar is en moet hom daarom sulke
wonde toedien wat sy verlange na die materie laat afneem, wat hom
genees van die verpestende adem van hierdie wêreld.
Wel sal vele dit vir ‘n wrede en harde ingryp van die noodlot hou, maar
eenmaal sal dit vir hulle duidelik voor oë staan. En hulle sal My dankbaar
wees vir My gewelddadige ingryp in hul lewe, wat anders sonder sukses vir
die siel sou verloop. Ek sien hoe die mensdom steeds meer in die materie
wegsink, hoe hulle enkel en alleen nog maar streef na en besig is vir die
vermeerdering daarvan, onbekommerd hoe naby die einde is.
13