DEEL 2 Reïnkarnasie - Ja of nee? - Nuweopenbaring

Dan kan julle ook werk tot voordeel van julle medemens, julle kan aan
hulle gee wat julle deur My liefde geleer het toe Ek met julle deur My
boodskappers gespreek het; julle kan hulle inlig soos Ek julle ingelig het en
hulle dieselfde onderrig gee en hulle bewus maak van die werking van My
Gees. Julle sal self ryke seën daaruit bekom, omdat My eie seën en die van
julle medemens, wat hul weg na die Waarheid deur julle gevind het, julle
sal volg. In die chaos van die eindtyd sal baie mense julle dank as julle
hulle in My Naam onderrig.
En vir hierdie bediening berei Ek julle My uitverkorenes reeds voor. Omdat
julle My Woorde glo; maar julle sal ook in twyfel gestort word, weens My
stilte na die wêreldgebeurtenisse; wanneer die wêreld onbeteuld bly sondig,
ongekontroleerd van bo.
Onherroeplik openbaar Ek Myself en roep orde met ‘n stem van donder. En
presies om hierdie voorafgaande rede, bied Ek julle mense die volheid van
genade aan, wat julle van ‘n graad van volwassenheid sal voorsien wat julle
in staat sal stel om die einde onbevrees te verwag en te oorlewe.
Maar julle neem nouliks enige notisie van al My geskenke van genade en dit
word erken as sodanig slegs deur weiniges: as ‘n laaste liefde en
waarskuwings beroep aan die kinders van hierdie wêreld, wat hul laaste
besluit moet neem.
Ek sal My Woord na die aarde bly bring, sodat julle wat Myne is besef dat
Ek My nie terugtrek nie maar oor julle almal waak. En Ek sal altyd na julle
in Woord en Skrif kom, ook in My volle glorie op die laaste dag wanneer
Myne troos en krag en hulp nodig het wat slegs Ek aan hulle kan bring. Dan
sal alles wat Ek geprofeteer het vervul word, dat julle geloof versterk kan
word.
Die ou aarde sal tot sy einde kom en hulle wat getrou aan My gebly het en
behoorlik gebruik gemaak het van My geskenk van genade sal in die
Koningkryk van vrede opgeneem word. Omdat vir hulle die einde die begin
van ‘n nuwe lewe is, ‘n lewe van vrede en saligheid in die paradys van die
nuwe aarde, wat Ek aan elkeen beloof het wie aan My glo, wie My liefhet en
My gebooie hou. Die laaste dag op hierdie aarde sal die eerste dag van
saligheid wees, want Ek Self kom om Myne te haal wanneer hul lewe op
hierdie aarde in gevaar is. Amen
Geloofsbeproewinge om die geloof te versterk
5377 28 April 1952
Julle is aan voortdurende beproewinge van die geloof blootgestel, maar
slegs sodat julle geloof versterk kan word, want dit is nog swak soos die
van ‘n kind, gemeet volgens die eise wat nog in die komende tyd aan julle
gestel gaan word. Daarom sal julle steeds weer in nood raak waarin julle
julself veilg sal moet maak, in soverre dat julle julself tot Hom sal moet
wend, Wie julle nood kan verdryf.
105