DEEL 2 Reïnkarnasie - Ja of nee? - Nuweopenbaring

Dit is ‘n volledige nuttelose kragverspilling, want al heel vinnig vergaan dit
voor julle oë, juis dit wat julle so gretig na verlang. Dag na dag laat julle
verbygaan sonder om vir julle siel geestelike goedere te verwerf. Dag na
dag wend julle die oë na die wêreld en dink nie aan die lot van julle siel na
julle dood nie, wat vir julle almal so naby is, aards en geestelik gesien.
Maar Ek kan julle alleen weer vermaan, dwing kan Ek julle egter nie en julle
ook geen sigbare bewys van die waarheid gee van dit wat Ek julle bekend
maak nie, sodat julle uself nie uit vrees verander om die onheil vry te
spring nie. Julle moet vry vanuit uself wil dat julle salig word. Julle moet
vry vanuit uself verlang om met My, julle Skepper en Vader van ewigheid
verenig te wees, dan sal julle ook vrywillig My Wil vervul en die eieliefde,
d.w.s. die liefde vir die wêreld, in onbaatsugtige naasteliefde verander. Dan
sal julle na geestelike goedere strewe en die einde nie hoef te vrees nie,
net soos die verlies van julle aardse goedere, wat die komende tyd van
nood met hom meebring.
Ek weet wel wat Ek elke mens afsonderlik wil laat behou en oorlaat, maar
julle weet dit nie en moet uself daarop voorberei dat alles van julle
afgeneem sal word en vir julle tog nog ‘n rykdom oorbly wat onverganklik
is en nooit van julle afgeneem kan word nie.
Sorg alleen nog vir hierdie goedere en julle sal altyd My goedheid en
erbarming, My Vaderliefde wat trou vir julle sorg by uself ervaar, wat julle
steeds sal gee wat julle nodig het, wat julle, wat aan My wil behoort nooit
in nood laat nie. Dan hoef julle ook nooit die komende te vrees nie, want
julle kan niks meer verloor nie omdat julle alles gewen het. Amen
Skool van die geeste
5102 9 April 1951
Julle moet in die skool van die gees gradueer, as julle die reg wil verdien
om vir ewig in die geestelike Koningkryk te woon en as salige wesens met
lig oorstroom, met mag en gesag, ooreenkomstig My wil te kan skep.
Hierdie "skool van die geeste" is julle aardse-verblyf, wat soms inderdaad
‘n ondraaglike moeilike las vir julle is, tog kan julle ‘n groter sukses verkry
as julle slegs na julle geestelike volmaaktheid met vasberadenheid streef
en julle nie laat oowin deur die prikkelings van die lewe nie, ag die aardselewe
nie as ‘n doel op sigself nie maar as ‘n middel tot die doel. Julle moet
altyd in gedagte hou dat terwyl die fase van julle aardse-lewe in selfbewussyn
kort is, dit beslissend is vir julle ewige lewe, hou in gedagte dat
dit tydens hierdie kort aardse-periode is dat ‘n wil-toets van julle geëis
word en dat hierdie toets geslaag kan word slegs as julle van twee kante
beïnvloed kan word, met één kant wat oorwin. Begryplik, sal dit ‘n stryd
benodig, wat julleself as mense tot ’n beslissing moet bring.
Julle geestelike volmaaktheid lê daarom uitsluitlik in julle eie hande, maar
julle word deur My op elke moontlike manier bygestaan, alhoewel dit nie
aan julle duidelik is nie. Maar tog is julle lot elke oomblik veranderbaar vir
14