DEEL 2 Reïnkarnasie - Ja of nee? - Nuweopenbaring

Die wêreld is vol duiwels en kan nie langer bly bestaan nie. Ek ken egter
elke siel en Ek roep nog baie op voordat die einde sal kom. Ook die baie
plotselinge sterftes beteken vir die mense ‘n beangste tyd en groot leed,
waardeur ook nog sommige sukses behaal kan word. Want uit die
geesteryk sal die siele nog invloed kan uitoefen op die mense van die aarde
en menige afgeskeide siel sal slaag om die bewussyn van die
agtergeblewenes te verander en op die geesteryk te rig. Dan was die leed
ook weer ‘n barmhartigheid wat redding sal bring aan baie siele. Mense,
gee ag op dit alles en verwag van die toekoms geen verbetering van julle
aardse welstand nie, want dit sou vir julle geen goeie teken wees nie, tensy
julle al aan My kant staan en bewustelik die laaste tyd beleef. Maar die
meeste mense moet Ek hard aanvat om hulle teen die ergste te behoed
teen die stort in die diepte as die einde gekom het. Amen
Ontvang ’n lewende geloof deur naasteliefde
5726 17 Julie 1953
Volg My na en julle sal ‘n onwrikbare geloof verwerf. Dog die geloof kan in
die mens nie eerder lewend word tot dat hy ‘n lewe in liefde lei, tot hy die
weg gaan wat Ek Self gegaan het op aarde, die weg van onbaatsigtige
naasteliefde.
Julle kan vir julself ook wel ‘n verstandelike geloof verwerf, d.w.s. deur met
die verstand, deur logiese gevolgtrekkinge, in julself oortuig te word van
My as Skepper en Behouer, of ook van Hom, wat Homself vir julle aan die
kruis laat slaan het. Julle glo dan weliswaar ook, maar kan met so’n geloof
nie baie doen nie. Dit is dan slegs ‘n vas stelling van feite wat weliswaar
ook nie bewys kan word nie, maar julle tog nie laat twyfel.
Wat is egter ‘n lewende geloof? Dit is ‘n geloof wat leef en waarvan die
lewe bewys of bevestig word deur dade van ongewone aard, ‘n geloof wat
hom in staat ag tot iets ongewoons en in die vaste bewussyn met My
ondersteuning dit ook tot stand kan bring. ‘n Lewende geloof bewys sy
krag, dit veronderstel My hulp sonder om te twyfel en die mens is in staat
om deur so’n geloof dinge te volbring wat as ‘n wonder aangesien word en
wat tog slegs die uitwerking van ‘n lewende geloof is.
So’n geloof is alleen te ontvang deur ‘n lewe van onbaatsugtige
naasteliefde, na My voorbeeld op aarde. Omdat die liefde die krag is wat
alles bewerkstellig. Wie in die liefde leef neem soveel krag van My in
ontvangs dat hy dit op die een of die ander manier sou wil laat werk en
deur sy wersaamheid in liefde voel hy ook My teenwoordigheid en die wete
laat hom ook alles wat sy hart hom ingee ten uitvoer bring.
Liefde en lewende geloof is nie van mekaar te skei nie. Daarom moet aan
die mens in die eerste plek die liefde gepreek word, sodat hulle tot die
lewende geloof kom, want die verstandelike geloof vervang die lewende
geloof nie, want die eerste sal beslis val sodra die mense gekonfronteer
186