DEEL 2 Reïnkarnasie - Ja of nee? - Nuweopenbaring

nie volgens My wil is nie, maar, waar julle julself toe gedring voel, voer dit
ook uit sonder om te twyfel, want dit sal julle dan geluk. Ek het julle tog My
krag beloof as julle ‘n sterk geloof besit! En Ek wil dat in die laaste tyd voor
die einde julle medemens oortuig sal word van die krag van die geloof, dus
sal Ek julle ook nie beskaamd laat staan as julle My en tegelykertyd julle
medemens wil dien nie.
Ek sal egter nooit My seën gee aan dade van selfsug, vernietiging of
liefdeloosheid nie. Begryp dat liefde dus die dryfveer moet wees, dit moet
julle daartoe aanspoor om My krag te vra, nooit haat of vergeldingsdrang
nie, alleen die liefde gee My Gees aanleiding om werksaam te wees. Alleen
deur liefde verbind julle julself met My, sodat julle nou ook My krag
deelagtig word. En hierdie liefde laat ook julle geloof so lewendig word dat
julle voortaan aan die sukses van dit glo wat julle wil volbring.
So is ook vele siekegenesings wat in My Naam bewerkstellig word te
verklaar. Want word Ek Self om hulp aangeroep, dan word daar ‘n beroep
gedoen op My belofte, Bid en julle sal gegee word, klop en vir julle sal oop
gemaak word. Wie nou die Heelmeester in volle geloof aan die waarheid
van My woord in sy hart opneem, die sal gesond word, want hy het hom
geheel aan My toevertrou en Ek is dan waarlik met My krag by hom. Hy
kan dan genees omdat hy hom onbeperk van My krag kan bedien.
Diep gelowige mense kan daarom op aarde werk tot seën van hul
medemens. En hulle mag dit doen sodra hulle daar ‘n lewendige getuienis
van My Naam aan verbind. Sodra My Naam daardeur verheerlik word,
sodat dit geskied om die mense wat na My op weg is, te help om sonder
twyfel vas te glo, maar nie om ongelowige mense tot geloof te dwing nie.
‘n totale ongeloof is ‘n hindernis vir die werk van My Gees. Daarom word
iemand wat My Naam belei deur My Gees daarvan teruggehou om voor die
oë van ‘n ongelowige wondere te verrig. Of, dan hulp wat lewensnoodsaklik
is, sal die hulp van so aard wees dat die ongelowige daar ‘n natuurlike
verklaring voor vind waarop hy die genesing baseer.
Dog in die eindtyd sal nog vele swakkes gewen word, wie se weerstand al
gebreek kan word deur die krag van die geloof van Myne. Daarom sal daar
in die eindtyd in My Naam baie wondere verrig word, sodat hulle die wat
nog swak van geloof is hulle daar deur versterk, sodat nou ook hulle
oortuig kan glo en dan ook standhou in die laaste stryd op hierdie aarde.
Amen
Gods Liefde gaan uit na almal
5845 5 Januarie 1954
Die siekes en swakkes kom Ek naderby om hulle te genees en te versterk,
tot die bedroefdes en verdruktes kom Ek, om hulle te troos en hul My
bystand te verseker, wie vervolg word neem Ek in My armes sodat hulle by
My ‘n tuiste vind en die wat val tel Ek op, Ek help hulle dat hulle weer ‘n
229