DEEL 2 Reïnkarnasie - Ja of nee? - Nuweopenbaring

Wie egter die weg na My toe vind en in My nabyheid bly en My bystand
afsmeek, die sal wonderbaarlike krag ontvang om ook die swaarste te kan
verdra, wanneer dit ook vir hom sal tref, vanweë die ongelowige
medemens. Hy sal ook te midde van aardse nood beskut en onaangeraak
bly as dit My wil is, omdat die mens wat My soos ‘n kind glo, My bystand
kan verwag.
Daar sal ‘n swaar worsteling, aards sowel as geestelik wees, want die
aardse nood sal ook hom wat na die geestelike streef, ontstel. Maar net
totdat hy die innige verbinding met My herstel het en die krag van My Gees
hom kan deurstroom. Dan sal hy elke nood en elke gevaar onverskrokke in
die oë kyk, want dan voel hy My teenwoordigheid en dan kan dit hom nie
meer beangs of bedruk maak nie.
Die einde kom steeds nader, meer tekens wys steeds daarop en die stryd
tussen lig en duisternis word steeds duideliker. Die knegte werk steeds
yweriger in My wingerd en steeds word die gevaar dreigender waarmee die
Antichris die gelowiges bedreig. Want Satan weet dat daar nie baie tyd
meer vir hom oor is nie en sy aktiwiteite in die komende tyd is duidelik.
Maar weer maak Ek julle steeds daarop opmerksaam, sodat julle nie sal
wankel in julle geloof as daar van julle gevra word om My te verloën en
julle in die plek daarvan ‘n lewe van genot en welbehae belowe word. Laat
julle nie verlei nie, want daardeur sou julle ‘n slegte ruil maak.
Julle mag nie vergeet dat die einde naby is nie en dat daar niks sal bly
bestaan van die wêreld en sy aardse goedere en vreugde nie. Het julle
egter julle siele aan My teenstander verkoop vir hierdie aardse goedere,
dan bly daar aan die einde niks vir julle oor nie as die verderf en ‘n
eindelose tyd van ellende en hardste gevangenskap. Gee vrywillig en met
vreugde op wat mense van julle wil neem, maar bly tot die einde toe
getrou aan My en julle getrouheid sal koninklik beloon word. Ook in die
komende tyd van nood is My bystand aan julle verseker, sodat julle alle
probleme sal kan dra. Bowendien sal die tyd van nood nie lank duur nie,
want Ek sal die dae verkort terwille van Myne en wat verkondig is in woord
en geskrif sal mekaar baie snel opvolg.
En sodra die beslissing van julle gevra word vir of teen My sal die nood
waarlik groter word, maar daarom kan julle elke dag op My koms hoop.
Dan gaan die aarde sy einde tegemoet en daarom sal daar spoedig ‘n einde
aan julle nood kom. Dan sal die tyd kom dat My teenstander gekluister sal
word en met hom sy aanhang. Die tyd, waarin die ou aarde met sy
skeppings opgelos sal word en ‘n nuwe aarde ontstaan. En daarom sal Ek
kom in die wolke en julle tuis bring in die paradys van die nuwe aarde. Dan
sal daar aan alle nood ‘n einde wees en julle sal in vrede en saligheid lewe.
Amen
81