DEEL 2 Reïnkarnasie - Ja of nee? - Nuweopenbaring

julle vir My en My ryk moet stry, dat julle moet stry met die swaard van
julle mond.
Julle sal baie vyande vind wat met oortuiging hulle valse leer glo, maar julle
kan teenoor hulle dwaallere die suiwer waarheid stel en julle sal hulle
steeds kan verslaan, sodat hulle geen openlike aanhangers van die vors
van die duisternis is nie in sovere dat hulle absoluut nie die lig en die
waarheid wil sien nie, dat hulle nie vir die reg stry nie, maar vir hulself en
hul mag.
Julle swaard sal waarlik skerp geslyp wees, want julle sal alles wat vals is,
kan weerlê. Die woorde sal julle in die mond gelê word, My Gees sal julle
lei. Ek Self staan julle as Leëraanvoerder by en die waarheid sal ook seëvier
en dit kan egter ook baie offers kos van die kant van die vyand af, wat
liewer ten gronde sal wil gaan as om die dwaling op te gee en om nie hulle
mag te verloor nie. Dit gaan ook nie meer om die suiwer waarheid nie,
veeleer probeer hulle, as verteenwoordigers van My teenstander, om die lig
te verduister, eerder as om dit te laat skyn.
Daarom sal hulle die slagoffers wees van die stryd wat uitgeveg moet word
aan die einde van hierdie tyd. Want die vors van die duisternis sal My nog
ten slotte die stryd aansê. Hy sal probeer om My te onttroon met leuens en
laster en daarom moet julle teen hom optree. Ek wil spreek deur julle tot
hulle wat deur My teenstander oorheers word en Ek wil ook nog die weg
aan hulle toon wat na die ewige lewe lei, wat egter alleen deur middel van
die waarheid betree kan word. Amen
Geestelike omkeer - Verandering van die aarde
5630 19 Maart 1953
Julle moet geen valse hoop koester en ‘n groot verandering ten goede op
hierdie aarde verwag nie, wat daaruit bestaan dat die geestelike
gesteldheid van die mense sou kon verbeter en daar weer ‘n lewe in geloof
en liefde op aarde te siene sou wees.
Hierdie aarde sal so ‘n geestelike verandering van mense nie meer belewe
nie, maar ‘n geestelike omwenteling is ophande. Sodoende sal die aarde
dus verander word. Hy sal eers ‘n omvorming ondergaan en die
mensegeslag wat hierdie nuwe aarde dan bewoon, sal op ‘n hoë geestelike
vlak staan.
Wie egter glo en hoop dat die mense hulself op aarde nog sal verander
sodat ‘n ander tyd sal aanbreek, die vergis hulself geweldig. En aan hom is
ook nog weinig bekend van die heilsplan van God, Wie met ‘n verandering
van die ou aarde geen ander doel voor oë het nie as slegs ‘n geestelike
suiwer en hoogstaande mensegeslag. Want ook die opwaartse ontwikkeling
van die geestelike substansies wat nog in hulle vorm gekluister is, moet
bevorder word. En sodoende moet ‘n nuwe verlossings- of
168