DEEL 2 Reïnkarnasie - Ja of nee? - Nuweopenbaring

versterk ook hul weerstand teen elke straling van lig wat hulle van bo
aanraak. Hulle kan siende word, hulle kan baie goddelike lig ontvang, sodra
hulle hul maar oopstel, sodra hulle bereid is om hul weerstand op te gee,
sodra hulle wens om siende te word, wat ook altyd moontlik is, solank hulle
op aarde lewe, want ook die geestelik blinde kan van die wêreld met sy
vreugde genoeg kry as hy ryklik daarvan geniet het. Ook hy kan die
waardeloosheid en onbestendigheid van aardse goedere insien en hom nie
meer daarmee tevrede stel nie.
Ook in hom kan die verlange ontwaak na kennis van wat verborge is en
dan is dit altyd nog moontlik dat sy oë geopen word, dat hy hom daarheen
wend waar hy glo om die ligstraal te ontdek en dan kan hy ook tot insig
kom welke dwaalligte hy tot nou toe nagejaag het en dan is dit nog steeds
nie te laat om hom tot die Een te wend Wie hy herken het as die Ewige lig
en Hom om Sy genade te vra, dat Hy ook sy oë mag open en hom die lig
mag skenk wat hom voortaan die weg sal verlig. En sy versoek sal
verhoring vind. Amen
Siekes genees in die naam van Jesus
5889 27 Februarie 1954
Lê die siekes in My Naam die hande op en seën hulle en die krag van julle
geloof sal hulle dan genees. Want Ek is die Een aan Wie julle die siekes
toevertrou en My krag is onbeperk en werk ook onbeperk as julle rotsvas
glo. Alles wat julle in verbinding met My doen sal julle geluk. Maar voel julle
julself so innig met My verbind? Hierdie vraag moet Ek julle stel omdat
daarvan alleen die krag om siekes te genees afhang, omdat dit by julle lê of
julle die genesing van julle medemens moontlik maak. Julle geloof moet
dus so kragtig wees dat julle My lewend naas julle voel en julle nou saam
met My werk as julle My Naam uitspreek, as julle die sieke in My Naam
seën.
Ek het vir die mense so’n verre God geword dat hulle nie kan begryp dat,
wanneer ‘n mens so innig met My verbind is, hy My krag na eie wil kan
gebruik. Selfs My gelowiges bring maar selde so'n sterk geloof op dat hulle
geen oomblik twyfel dat Ek hulle ondersteun as hulle hul medemens wil
help. En daarom is daar maar weinig wat oor die gawe van genesing
beskik, omdat hulle deur hul vaste geloof oor Myself en My krag beskik as
hulle dit nodig het.
In die eindtyd het die geloof aan My onder die mense so klein en swak
geword dat ‘n diep gelowige mens wat oor ongewone krag beskik, ook direk
opval en hy nou óf groot geestelike sukses behaal deurdat hy sy medemens
tot die geloof in My en die krag van My Naam bring, of word bestry deur
hulle wat alle krag vanuit die geloof ontbeer maar tog aanspraak maak op
die reg om die mense My woord en My Naam te verkondig. Dog die laaste
is meer te veroordeel as hulle wat geheel ongelowig is, want hulle ken en
241