DEEL 2 Reïnkarnasie - Ja of nee? - Nuweopenbaring

Werk aan die siel
6158 8 Januarie 1955
Julle innerlike lewe word nie bevorderd deur iets uiterliks nie; niks formeel
sal julle siels volwassenheid en volmaaktheid bevorder nie. Die
transformasie van julle wese kan slegs van binne verwesenlik word,
daarom moet julle mense dikwels in stilte in julle innerlike keer, vir self
ondersoek en verwydering van alles wat julle van binne bederf, wat nog
voortduur in julle as ‘n swakheid. Julle kan natuurlik van buite bewus
gemaak word van hoe om die werk aan julle siele te verwesenlik, julle kan
onderrig word waaraan om aandag te gee en hoe om dit te vermy wat julle
kan skade berokken en wat julle moet doen om volmaak te word; maar
julle moet dit self doen en dit deur julle van alles van buite af te sluit,
alhoewel julle, julle in die wêreld bevind en julle verantwoordelikhede moet
nakom.
Dit werk aan die siel moet gelyktydig gedoen word, aangesien dit ten volle
onafhanklik van julle aardse aktiwiteit is, omdat dit net met julle innerlike
wese te doen het, julle foute en ondeugde, dit betref die mens se innerlike
lewe, sy denke, wil en aksie, wat in die wêreld liefde moet uitstraal, anders
kan daar geen sprake wees van ’n transformasie nie.
Die werk aan julle siele moet daarom uit die suiwering van al julle denke en
strewe bestaan en die lei daarvan na goddelike doelstellings, julle moet
konstant strewe na ’n lewe vry van eiebelang, na selfopofering, genade,
teerheid, geduld en vreedsaamheid, julle moet alle goeie eienskappe in
julle ontwikkel en die slegte gedagtes en eienskappe verdryf. En dit alles
eis ‘n ernstige wens om reg vóór God te lewe. Dit hoef nie uiterlik duidelik
te word nie, d.w.s. dit hoef nie opsigtelik te wees nie, tog sal so’n lewe
ooreenkomstig die wil van God altyd oor die medemens uitstraal. Dit sal
alle wedywer afwys en sal ‘n beter uitwerking hê as baie bespreking en
formele gebruike, wat nog nie getuig van ‘n verandering van houding nie.
Die mens kan slegs verander as hy ernstig na binne keer en oor sy
tekortkominge en foute dink en besluit om homself te verander. En hierdie
innerlikeverandering moet die mens self onderneem, as hy sy doel om
volmaak te word op aarde wil bereik. Die besluit moet deur aksie gevolg
word; anders is die wil nie opreg nie.
En hieraan, sal julle kan sien dat die bereik van geluksaligheid nie deur
kerkverband bepaal word nie, maar deur die mens se wil om liefde in
homself te laat ontvlam, wat hom dan totaal verander en verander alle
slegte eienskappe in goeies, wat die enigste weg tot volmaaktheid is, wat
deur alle mense gedoen kan word, ongeag tot watter kerk hulle behoort.
Want alle kerke onderrig liefde. Daarom kan hulle almal tot volmaaktheid
lei, tog kan nie een van hulle dit waarborg nie; slegs die mens self kan dit
bereik deur ernstig te werk aan homself. Amen
313