DEEL 2 Reïnkarnasie - Ja of nee? - Nuweopenbaring

So gou die siele eenmaal die krag van die liefde ondervind het en hierdie
krag benut, werk hulle met ‘n enorme ywer. Maar die eerste aansporing
moet hul gegee word deur liefdevolle voorspraak van die kant van die
mense, omdat dit hulle die eerste beroer en hul denkrigting verander.
Hierdie voorspraak moet egter bewus gedoen word, d.w.s. met die
bedoeling om die siele te help in hul opwaartse ontwikkeling.
Julle mense moet weet dat julle voorspraak waarde het en julle moet julself
nou met die nood van hulle wat oorlede is vertroud maak en uit ‘n
liefdevolle hart ‘n gebed stuur om ‘n gawe van krag vir hierdie siele. Hierdie
gawe sal hulle dan sekerlik gewaarword en ook die liefde wat na hulle uit
gaan dankbaar ervaar en dit bring hulle daartoe om lief te hê, wat nou op
hul omgewing uitstraal en as ‘n dowwe lig die uitwerking het wat alle siele
weldadig aandoen.
Julle mense sou so buitengewoon aktief kan meewerk as julle maar die wil
het om smart en nood te versag. Want hierdie wil spoor julle aan tot gebed
wat uit die hart kom en dit het verlossende krag. Alles wat julle doen moet
julle bewus doen. Nie as uiterlike vorm of lippegebed nie, want dit het geen
uitwerking nie, omdat die oortuigde bereidwilligheid nie aktief is nie. Alleen
die liefde verlos, dit moet julle steeds weer gesê word. Met die liefde bereik
julle onvoorstelbaar baie. Julle kan deur liefderyke voorspraak soveel
stralende lig in die duisternis bring, dat daar baie siele saamkom en deur
hierdie ligstraal aangeraak word, steeds met die gevolg, dat ‘n gevoel van
liefde in hulle ontwaak en werksaam wil wees.
Liefdevolle voorspraak is ‘n enorme kragstroom wat sy uitwerking nooit sal
mis nie. Sluit al julle geliefdes in hierdie voorbede in, roep hulle in gedagte
na julle toe en vertel hulle dat julle hulle wil help en dat hulle stil en sonder
weerstand julle hulp moet aanneem. Onderrig hulle in gedagte dat hulle
ook opwaarts kan gaan, as hulle die krag wil gebruik wat julle hul deur julle
voorspraak laat toekom. En wys hulle steeds op Jesus Christus. Slegs Eén
kan hulle verlos en hierdie Een is alleen deur die liefde te wen. Daarom,
vertel hulle dat hulle met die krag wat hul gegee is weer ander siele moet
help wat in groot nood is. Dat die liefdeswerk aan die siele gedoen hulle
steeds nader bring aan Jesus Christus, wat dan almal na Hom sal trek in die
grootste erbarming en hulle intrek in die ryk van lig.
Het julle ‘n siel gehelp tot die regte gebruik van die krag wat hy ontvang
het, dan is sy opwaarts gaan verseker. Dan het die swakheid van wil en die
kragteloosheid verdwyn en hy gaan ywerig opwaarts en trek baie siele met
hom saam na bo, omdat hulle hul insig nou ook aan ander oordra en so het
‘n enkele voorbede ‘n onvermoede seën tot gevolg.
Julle mense op die aarde, moet die krag van voorspraak nie onderskat nie,
maar dink steeds daaraan dat dit uit ‘n liefdevolle hart moet kom om
werklik kraggewend te wees. En sluit al julle geliefdes in, want hulle het
almal nog krag nodig en sal julle daar ewige voor dank, as julle hul nog
swakke krag vergroot en in liefde aan hulle dink. Amen
31