DEEL 2 Reïnkarnasie - Ja of nee? - Nuweopenbaring

kan toegespreek word deur die mond van ‘n dienaar wat My heeltemal
toegewyd is. Ek kan julle alleen maar steeds weer op die gevolge van julle
verkeerde lewenswandel opmerksaam maak en probeer om julle met
woorde van liefde op die regte weg te lok. Indien egter al hierdie
teregwysings nutteloos is, moet My Vaderhand, wat alles in orde bring,
ingryp om julle teen die ergste te beskerm. Want op aarde moet die orde
herstel word, sodat dit weer word tot ‘n verblyfplek waar die geestelike
geskool word, waar die siele ooreenkomstig hul bestemming voltooi kan
word. Amen
Die weg van die navolging van Jesus
6053 15 September 1954
Die weg wat julle gaan, moet die weg wees van die navolging van Jesus.
Julle moet Hom tot voorbeeld neem, julle moet lewe op aarde soos Hy dit
julle voorgeleef het, julle moet ‘n lewe in liefde lei en ook die leed wat julle
opgelê word, berustend op julle neem, sodat julle siele volwasse word. Die
mens Jesus het julle voorgegaan op die weg, om welke rede julle Hom nou
sal kan volg en julle dan ook julle doel sal bereik: om terug te keer na die
Vader van Wie julle eens uitgegaan het.
En Jesus het julle hierdie weg laat sien, deurdat Hy julle die gebooie van
die liefde tot God en die naaste gee, waardeur julle, deur hierdie na te
lewe, die weg gaan waardeur julle Jesus navolg. Maar daarvoor is julle wil
nodig en ‘n oorwinning oor julself, ‘n ter syde stel van die eie wense en
begeertes, om die naaste te help as hy hulp nodig het. Die liefde moet in
julle ontsteek word, anders kan die doel nie bereik word nie, die vereniging
met God, Wie Self die Liefde is daarom ook alleen deur die liefde verkry
kan word.
Die mens Jesus was vervul van Liefde tot Sy medemens en daarom kon Hy
Hom ook met God verenig, Hy kon die ewige Godheid in Hom opneem, Wie
Hom alleen kan verenig met ‘n mens wat hom tot liefde gevorm het. En dit
alleen is die sin en doel van die mens in die aardse lewe, dat hy sy hele
wese verander tot liefde, dat hy die eieliefde opgee, dat hy steeds sal wil
gee en gelukkig maak en dus homself vergoddelik, omdat die liefde
goddelik is en die mens wat hom tot liefde vorm ‘n goddelike wese word.
Hoe minder die mens aan homself dink en hoe meer hy in liefde uitdeel aan
sy medemens, des te nader is hy by sy doel en des te nader is hy ook aan
God Self, dan gaan hy die ware weg na Hom en God Self kom hom
tegemoet, hy sal dan egter ook leed dra sonder mor, hy sal homself voel as
‘n draer van die kruis en die kruis graag op sy skouers neem, want hy
neem dan Jesus tot voorbeeld, hy volg Hom na, hy gaan die weg wat Jesus
hom voorgegaan het, wat almal moet gaan om die ewige geluksaligheid te
bereik. Amen
288