DEEL 2 Reïnkarnasie - Ja of nee? - Nuweopenbaring

mens nie vanself toeval nie, dit soek hy op ‘n onregmatige manier. Niks is
meer heilig vir hulle nie, nog die eiendom nog die lewe van die naaste.
By so’n gesindheid kan onmoontlik lig deurbreek in sy hart. Hy bevind hom
in die digste duisternis en voel goed daarin. Dit is ‘n tyd van
verdorwenheid, ‘n tyd van sonde, waarin My teenstander sy triomf vier,
waarin My ligbodes weinig invloed het en alleen die kragte uit die hel
sukses het.
My teenstander hou verskriklik huis want die tyd loop ten einde. Meer as
ooit is die arbeid in die wingerd nodig, sodat die mense nog gered kan word
wat nie heeltemal aan sy invloed onderhewig is nie, wie se siele nog nie sy
slagoffer geword het nie. Amen
Julle Lewenstaak: dien in liefde
6202 1 Maart 1955
Dit is julle lewenstaak op aarde: dat julle mekaar dien in liefde. Julle kan
julle slegs opwaarts werk ten hoogte deur dienende liefde, want alleen dit
verhoog die graad van volwassenheid van julle siele, alleen dit stel julle in
staat om na die dood van julle liggaam in die ryk in te gaan waar lig en
geluksaligheid is. Alle oorige moeite baat niks, as julle die dienende liefde
agterweë laat, as julle hart ongevoelig bly, wanneer julle sal wil heers as
julle diensbaar moet wees. Alleen deur dienende naasteliefde maak julle die
sonde van weleer weer goed, waarby julle die liefde afgewys het, waarby
julle vir julself die liefde verspeel het deur hom te volg wat sonder enige
liefde is, wat in opstand kom teen My. Die aardse lewe is julle alleen met
die doel gegee dat julle vir julself weer die liefde verwerf wat julle eens
afgewys het, wat julle laat sien dat julle, jul wese wil verander, dat julle
deur te werk in liefde julle wils verandering bewys.
Julle kan dus die liefde nie buite beskouwing laat nie, wanneer julle wil dat
julle weer volmaak word, wanneer julle weer na My wil terugkeer en sonder
einde geluksalig wees. Om hiervan op hoogte te wees het vir julle geen nut
as julle dit nie in praktyk bring nie. En daartoe word julle steeds
geleentheid gebied en steeds sal julle nood om julle heen sien, steeds sal
die hulpbehoewende mense hulle tot julle wend en julle hulp vra. Laat hulle
dan nie by julle weggaan sonder dat julle hulle gehelp het as dit vir julle
moontlik is.
En wees nie besorg dat julself gebrek moet ly nie, want met die maat
waarmee julle meet sal ook vir julle gemeet word. Maar gebruik ook julle
verstand. Ook dit wil Ek julle aanraai omdat julle, julle naaste meer skade
as goed kan doen. Want nood deur eie skuld moet ook self opgehef word as
die moontlikheid daartoe is. En as die mens bereidwillig is, kan hy die
moontlikheid ook self van My afsmeek. Julle sal dus onderskeid moet maak
tussen nood en ligsinnigheid. Nood moet julle wel lenig maar nooit die
mens sterk in ligvaardigheid(roekeloosheid) nie, wat ‘n groot kwaad is en
318