DEEL 2 Reïnkarnasie - Ja of nee? - Nuweopenbaring

herken, Wie besorg is oor julle en julle wil help om die weg uit ‘n toestand
van die dood te vind, Wie die lewe vir julle toeganklik sal wil maak.
Maar julle sal self die weg moet gaan wat na die lewe voer. En op hierdie
weg wys God julle deur Sy woord. Hy self onderrig julle en Sy onderrigting
is waarlik duidelik en ondubbelsinnig en dit sal in julle ‘n helder lig
ontsteek, wanneer julle maar ag daarop sal slaan en dit nie in julle ore laat
wegsterwe nie. Of julle dit wil glo of nie, die aarde gaan ‘n nuwe tydperk
van ontwikkeling binne en ook hierin sal hy deur mense bewoon wees,
maar wat in ‘n ander toestand moet wees as julle wat tans op aarde is.
Maar daar is vir julle nog ‘n verandering moontlik, julle sal self die graad
kan bereik wat ‘n verblyf op die nuwe aarde toelaat, maar steeds net met
God se hulp.
Daarom klink Sy stem steeds weer vir julle en spoor julle aan om hierdie
verandering van julle wese na te strewe en so 'n innige verbinding met
Hom aan te gaan, sodat julle geskik sal wees om op hierdie nuwe aarde
geplaas te word, wanneer die uur slaan. Want dit staan vlak voor die deur,
spoedig is die termyn verby wat God vir julle mense op hierdie aarde gestel
het en spoedig sal Hy self die omvorming van die aarde voltrek wat ‘n nuwe
tydperk van ontwikkeling inlei.
En met alles wat ongeskik is vir die nuwe aarde, sal dit gedaan wees en
passend by sy geestelike volwassenheid, weer gekluister word in ‘n nuwe
vorm.
Luister na God se stem, wat julle aanmaan en waarsku, sodat julle tot
diegene hoort wat deur Sy Wil gered word, wat Hy op die einde sal plaas in
die paradys van die nuwe aarde. Amen
Afloop van ‘n periode op aarde - Wetenskaplikes
6081 17 Oktober 1954
Die einde van ‘n ontwikkelingsperiode het reeds gekom, wanneer die mens
uit die goddelike ordening gestap het betreffende dat hulle hulself bevoeg
voel om in die skeppingsplan van God in te gryp, omdat hulle nie aan God
as skeppende Mag glo nie en dink dat hulle al die bestaande self kan
beheer.
Die mens het as erfdeel van God ‘n skeppende Gees en hulle kan die
erfdeel in ruim mate vergroot, hulle kan ook met goddelike ondersteuning
die onmoontlik lykende tot stand bring en hulle sal tog in die goddelike
ordening bly solank hulle die krag wat nodig is vir hul skeppende werk uit
God aanvaar. Hulle sal egter dadelik uit hierdie ordening tree wanneer al
hulle planne alleen maar aards gerig is, wanneer hulle hulself van God as
die skeppende Mag afsonder en dan dus suiwer verstandelik
eksperimenteer, wanneer hulle selfs die goddelike skepping as proefobjek
gebruik en hulself so tot handlangers van die teenstander van God maak,
hy wat hom ten doel stel om die goddelike skeppings te verwoes.
294