DEEL 2 Reïnkarnasie - Ja of nee? - Nuweopenbaring

‘n geskenk van onskatbare waarde wil aanbied. Maar hulle verleen geen
toegang vir My nie en wil My nie hoor nie en so wys hulle die kosbaarste af,
ofskoon hulle dit dringend nodig het. Ek kom na Myne, maar hulle neem My
nie aan nie, want hulle herken My nie!
Baie wil deel van Myne wees. Hulle dink dat hulle aan My "kerk" behoort en
tog herken hulle nie My stem as Ek hulle soos ‘n goeie Herder wil versamel
nie, as Ek hulle lok en roep. Hulle herken nie My stem nie en bly daarom
ver van My af, maar My skape herken My stem as die stem van hulle
Herder, omdat die woorde van liefde wat Ek vanuit die hoogte tot hulle
spreek, hulle harte oopmaak om My te laat binnekom wanneer Ek dit
verlang.
Slegs min herken My, ofskoon almal hiertoe in staat sou wees, as hulle
maar bereid was om hulle Vader van ewigheid te soek, want Ek sou My
sekerlik deur hulle laat vind het. Hulle verlange na My is egter te gering en
daarom herken hulle ook nie My stem nie, die bewys van Myself, ‘n sigbare
teken van My liefde vir die mense. Wanneer hul medemens My woord tot
hulle wil bring, dan ontbreek dit hulle aan geloof en insig vir My liefde en
barmhartigheid wat aan hulle ‘n hulpmiddel skenk sodat hulle al op aarde
hulle doel kan bereik, hulself te verenig met My deur die liefde.
Hoe verstandig is dit egter vir die van My wat My tot hulle laat spreek en
wat hulle van My af ontvang, ook ooreenkomstig My wil in praktyk bring.
Tot hulle kan Ek kom en aan hulle kan Ek My openbaar, want hulle sal nie
meer aan My twyfel nie. Hulle neem My op in hulle "hartewoning" en hulle
is ook in staat daartoe om My woord te hoor. Hulle sal My woord ernstig in
hulle hart oorweeg en dienooreenkomstig ook volgens My wil handel.
Hulle sal ook die woorde wat Ek eens op aarde gespreek het, verstaan,
naamlik dat My ryk nie van hierdie wêreld is nie, maar innerlik bestaan in
die harte van My kinders. My "kinders" sien My ook as hulle Vader wat na
Syne toe wil kom, maar nie deur die mense geken word nie, omdat hulle
sonder liefde lewe. Maar, wie ooreenkomstig My woorde handel in
onselfsugtige naasteliefde, sal ook daardeur tot insig kom, omdat My liefde
in hom aanwesig is en hy My geroep met vreugde en blydskap sal volg,
omdat hy My herken het. Amen
Geloofstryd – Vervulling van die beloftes
5115 26 April 1951
Julle sal julself moet staande hou teenoor die wêreld, wat hulle teen julle
sal draai en julle sal vervolg. En daarom het die tyd van stryd gekom wat
Ek vir julle aangekondig het en wat ook die laaste fase sal inlei voor die
einde. Julle sal geen hulp van die kant van die wêreld verkry nie, want die
wat julle wil help, is te swak en die sterkes is teen julle.
Tog het julle ‘n beskerming waarop julle julself sal kan verlaat, want Ek Self
is by julle en gee julle krag om te volhard in die moeilikste stryd. En wie My
17