DEEL 2 Reïnkarnasie - Ja of nee? - Nuweopenbaring

Van My kant af geskied alles wat vir ‘n goeie wilsbeslissing bevorderlik is.
Nogtans behou die mens die vryheid van sy wil en die hele aardse lewe
werk nou in ‘n sekere sin op hom in as ‘n te kies of af te wys voorwerp.
Want die mens moet dit alles deurloop om tot My in My ryk te kom. Maar
hy moet nie daarin bly vas steek nie, hy mag hom nie laat vang om opnuut
onvry te word nie, terwyl op hom die uiteindelike vryheid wag.
Die aardse lewe is ‘n weg wat hy moet gaan, maar is nie die doel self nie.
En laat hy sy blik omhoog swewe, dan volg hy ongestoord en vasberade sy
weg. Maar bly sy oë na die grond gerig, dan sal hy alleen sien wat daar om
hom heen gebeur en hy sal nie los kom van hierdie aarde nie, waardeur sy
vlug omhoog nie moontlik is nie. Hy moet die wil en die krag voortbring om
hom los te maak van alles wat hom op aarde begerenswaardig lyk, dan sal
hy ook as oorwinnaar te voorskyn kom. Hy sal dan die aardse weg aflê as
‘n noodsaaklike laaste fase van sy ontwikkeling omhoog en hy sal sy
wilsproef deurstaan.
Sy wil bly dan na My toe gewend ondanks alle verleidingskunste van My
teenstander, wat ook om sy siel, om sy wil, worstel. Hy word dan
oorwinnaar van hierdie wêreld en kandidaat vir My ryk, wat nie van hierdie
wêreld is nie. Amen
Die bring van die evangelie aan die siele in die
hiernamaals - Liefde
5901 12 Maart 1954
Hou die siele in die hiernamaals die evangelie voor. Herinner hulle aan My
gebooie van die liefde wat ook in die hiernamaals vervul moet word, as die
siele opwaarts wil gaan. Onderrig hulle in die kennis van My wil, dat hulle in
ag moet neem dat dit ’n vereiste is om hulle op My te rig, om dan deur My
liefde gegryp te word.
Op aarde sowel as in die ryk hierna geld dieselfde: die omvorming van die
wil van die wese wat aanvanklik teen My gerig is en daarom ook verander
moet word, wat alleen deur die liefde gedoen kan word. Want ‘n
onselfsugtige werk van liefde is reeds die eerste skrede tot My en gee die
wese krag.
Die siele wat kragteloos is in die hiernamaals is arm aan liefde. En julle
moet aan hulle verduidelik dat hulle eers hulp kan verwag as hulle bereid is
om liefde uit te deel aan hulle wat net soos hulle arm en ongelukkig is.
Sonder liefde is hul denke verkeerd en net soos op aarde kan hulle ook hier
wesens benader en verkeerd leer sonder dat hulle die dwaling insien. Slegs
’n siel wat hulpvaardig is herken die waarheid. Daarom moet julle die siele
in die eerste plek My gebooie van die liefde voorhou en hulle opmerksaam
maak dat dit alleen gegee word omdat die mense die verbinding met My tot
stand bring deur die vervulling van die gebooie van die liefde. Want ‘n werk
uit liefde gedaan gee hulle die krag wat hulle steeds verder omhoog help.
243