DEEL 2 Reïnkarnasie - Ja of nee? - Nuweopenbaring

Verlange na lig in die hiernamaals - Geestelike
gesprekke
5487 15 September 1952
Die verlange na lig is in die ryk hierna baie groot by diegene wat ingesien
het dat die graad van saligheid afhang van ‘n seker insig, wat hulle egter
ontbreek. Dit is wesens by wie op aarde ‘n sekere goedheid nie te ontken
was nie. Wat moeite gedoen het om reg en eerlik te handel, maar tog geen
geloof besit het in ‘n Mag Bo hulle nie, aan ‘n lewe van die siel en aan ‘n
geesteryk nie.
En die gebrek aan geloof het hulle ook onontvanklik gemaak vir geestelike
kennis op aarde, die wil om te glo ontbreek. Daarom verwerp hulle alles as
onwerklik en onwaar wat buite die normale lewe staan en deur gelowige
mense aangebied word. Die wil ontbreek hulle om daarvan iets aan te
neem omdat hulle nie glo nie. En ook, omdat die aardse lewe vir hulle so
buitengewoon belangrik was, dat hulle slegs daarvoor werk en besig was.
Maar nou, in die ryk hierna, sien hulle steeds meer en meer die realiteit van
die geesteryk in, maar is tog nie in staat om duidelikheid te kry oor hul eie
bestaan en hul toestand nie. Hulle weet nie wat werklik en wat onwerkelik
is nie. Hulle sien onduidelike beelde wat hulle nie begryp nie en word tot
denke aangespoor en kom daar tog self nie uit. Hulle verlang na lig, na
insig en is dankbaar as dit aan hulle gegee word. Die werk van lerare in die
geesteryk, om geloof te vind vir hul onderrigting, word egter bemoeilik
deur die ontbreeking van geloof, omdat die siele alles onaanvaarbaar vind
deur die gesindheid wat hulle op aarde gehad het. Maar hulle strewe
onophoudelike na opheldering, hulle wil die waarheid weet en daarom word
dit aan hulle gebring.
Die ryk hierna erken hulle nou as werklikheid, omdat hul die kennis van die
aardse lewe nie heeltemal ontneem is nie. Hulle is dus nou al oortuig van ‘n
lewe ná die dood en die oortuiging spoor hulle aan om ywerig te soek na
wat hul ontbreek, na lig. En hulle word ook nie moeg nie en bly daarom
orals waar hul opheldering gegee kan word. Maar tog kan hul eers die lig
gegee word, wanneer in hulle die wil om goed te doen lewend word om
daarmee te werk.
Daarom is menige siel vir ‘n onuitspreeklik lang tyd sonder lig, sonder
kennis, ondanks hulle verlange, omdat hulle nog geen meegevoel het met
die geestelike wat ook ly nie. Omdat hulle slegs uit selfsugtige motiewe na
lig verlang en dit hulle daarom ook nog nie gegee kan word nie. Maar
mense wat reeds op aarde besig was om hul medemens te dien, deur
uitvindings, deur raadgewing of onderwysing, sal dit ook in die ryk hierna
wil doen en daarom baie spoedig met die ware kennis vertroud gemaak
word, omdat hulle dan ook dienend besig wil wees en daarom tot seën van
onwetende siele mag werk. Dog onder dwang word hierdie kennis aan geen
wese gebring nie, dit moet innig begeer en ywerig nagestreef word. Maar
127