DEEL 2 Reïnkarnasie - Ja of nee? - Nuweopenbaring

ongelowige mense in die vorm van ‘n geweldige natuurkatastrofe. Dit is in
omvang geweldig en sal tog die aarde slegs lokaal tref, want daardeur sal
die daarop volgende einde wat vooruit aangekondig is nou vir die mense
geloofwaardiger begin te word. Hulle hou dit nie meer vir onmoontlik nie en
vra hulself ernstig af, of en hoe hulle teenoor My by die einde sal staan.
Groot gebeurtenisse “werp hul skaduwee vooruit”. Die natuurkatastrofe en
die nie lank daarna volgende einde is vir die mense nog ‘n laaste
vermaning, want dit sal baie mensenlewens kos. Baie mense sal ten offer
val aan die natuurelemente, omdat dit andersinds nie te verwag is om
indruk op die verharde harte te maak wat miskien tog nog vir die
ondergang gered kan word nie. Voortdurend spreek Ek deur die mond van
My profete en voortdurend spreek Ek nog deur die My toegeneë dienare,
maar op hierdie taal slaan die mense geen ag nie. En alleen die weiniges
wat in My woorde glo en daarom ook handel volgens My wil, probeer nog
op hul medemens in te werk.
En hierdie sal nou duidelik My stem hoor en hul ore nie kan sluit nie. Die
onverskilligheid van die mense is die oorsaak dat Ek hulle stoor in hulle rus
en hul wêreldse Gees ontstel, sodat niemand kan sê dat hy nie gewaarsku
is nie. Maar ook hierdie laaste waarskuwing sal nie die totale oorgawe aan
My tot gevolg hê nie, omdat My stem by vele nie erken word nie. Ek oefen
geen dwang uit om die mense tot My te laat keer nie en daarom sal die
einde alles wegvee van die aarde wat weerspannig bly teen My. En
weerspannig is elke mens wat in die aangesig van die voorafgaande groot
vernietiging hom nie tot My keer nie.
Weerstand het elke mens nog in hom wat ‘n einde van hierdie aarde as vir
onmoontlik hou, want dan is sy Gees nog in die donker wat sy bande met
My teenstander verraai.
Ek probeer egter nog op alle moontlike maniere hierdie weerstand te breek,
maar steeds sonder dwang. Die laaste middel lyk wel gruwelik, maar Ek
gebruik dit om julle te red. Want aan My woorde word geen geloof meer
geskenk nie en omdat die einde so naby is sal julle anders ten offer val aan
die verderf. Maar julle geestestoestand is maatgewend welke lot op julle
wag op die dag van die gerig.
My dienare sê Ek steeds weer dat hulle nie genoeg kan waarsku voor die
einde en die voorafgaande natuurgebeure nie. Dat hulle nie mag vrees om
die mense daarop te wys dat daar vir hulle nie baie tyd meer is nie. Hulle
moet sonder skroom spreek oor My plan van ewigheid en ook die evangelie
van die liefde versprei. Die mense moet weet wat Ek van hulle verlang,
sodat hulle nie ten offer val aan die nabye gebeurtenisse en wegsink in die
duisternis nie.
Wat Ek alleen van hulle verlange is ‘n offervaardig en liefdevol hart, want
dan kan hulle sonder vrees die komende gebeurtenisse afwag. Dan behoort
hulle tot hulle wat ongedeerd te voorskyn sal kom, ook as alles om hulle
heen dreig om te vergaan.
440