DEEL 2 Reïnkarnasie - Ja of nee? - Nuweopenbaring

Lewenskrag - Geesteskrag
5269 10 Desember 1951
Vertrou nooit op julle eie krag nie. Weliswaar moet julleself julle wil
werksaam laat word, julle mag nie werkloos bly en wag op hulp nie, maar
wat julle doen, moet julle steeds in ooreenstemming met My aanpak, julle
moet bid om My hulp en My seën en dit sal julle geluk. Julle besit wel
lewenskrag, wat julle die reg gee op lewendige werksaamheid en julle
daartoe in staan stel, maar bo alles staan My wil en dit kan julle nie dwing
nie.
Ek sien My egter dikwels daartoe gedwing, om weerstand teen julle wil te
plaas, wanneer dit heilsaam is vir julle siele. En daarom is by julle lewenslot
ook onsekerheid, die fal van voornemens en mislukkings betrokke en julle
kan dit nie uit eie krag weg hou nie. Dan baat ook julle lewenskrag nie, dan
sien julle dikwels in, tot hoe weinig julle uit eie krag in staat is.
Alle mislukkings, alle vergeefse inspanning, alle aanvalle van swakheid is
steeds aanwysings, om julle tot die ewige Gewer van krag te wend, Sy
seën af te smeek en in die besef van julle eie ontoereikendheid tot Hom te
bid om toename van krag en die welslae van elke werksaamheid. Julle mag
My nie vergeet nie, daarom moet Ek julle dikwels in situasies laat kom,
waar julle eie krag geen sukses kan oplewer nie. Ek moet julle wys, dat al
julle inspanning tevergeefs is, wanneer Ek daar nie My seën aan gee nie,
waarom julle egter eerste moet bid, om My nie te vergeet nie. Die
samenwerking met My waarborg sukses, maar wys julle My af, dan kos
julle inspanning veel meer moeite en is ook dan nog dikwels sonder
resultaat.
Julle kon weliswaar ook sukses afdwing, maar dan alleen met
ondersteuning van die krag van die onderwêreld, wat vir julle sal sorg, as
julle jul siel daarvoor ruil. Dan kan julle magtig wees op aarde, dan sal julle
in alles slaag, dan kan julle die medemens oorbluf met dade van
bonatuurlike aard, maar steeds met verlies van vryheid, want dan is julle
geketting en volledig in sy, Satan se mag. Verlang nie na die krag uit die
onderwêreld nie, selfs nie wanneer dit julle ‘n aantrekkelike lewe op aarde
beloof nie. Kom tot My in innig gebed en roep My aan om krag en genade
en julle wen dan waaragtig meer, as wat My teenstander julle bied. Maar
dit is dan geen aardse goedere, wat julle in besit neem nie, maar Ek seën
dan elke begin van dit wat julle op aarde onderneem, net soos Ek julle
geestelik seën, d.w.s. julle deur innige verbinding met My van geesteskrag
voorsien, wat baie waardevoller is as julle lewenskrag, want werk met
geestelike krag sal altyd suksesvol wees, ook wanneer dit nie altyd deur
julle besef word nie.
Sluit My nooit uit in wat julle ook onderneem nie, want Ek wil voortdurend
julle Raadgewer, Leier en Hulp wees, wat alles in goeie bane lei vir julle
siele. Amen
75