DEEL 2 Reïnkarnasie - Ja of nee? - Nuweopenbaring

daarom geen noemenswaardig resultaat oplewer nie, tensy hulle die mens
in homself laat keer en daarvoor sorg dat hy nou bereid is om My woord in
hom op te neem. En My wysheid weet dit reeds, waardeur (23.2.1957) dit
soms lyk, alsof ‘n mens deur My ongewone genadegawes ontvang, wat hom
verseker van ‘n makliker gang opwaarts.
Ek weet in welke graad van volwassenheid die siel hom bevind, Ek weet
ook, wanneer die weerstand van ‘n siel so gering is, dat daar slegs ‘n klein
geestelike ervaring voor nodig is, om die weerstand te breek. En dan is
daar ook die bereidheid om My woord op te neem en nou moet die siel
dieselfde werk verrig: vrywillig My woord naleef, eers dan is die ongewone
gawe van genade ook benut en dan sal My woord ook op hom dieselfde
uitwerking hê, sodat dit in hom krag is en nou dus die dode lewend maak.
Wanneer Ek ‘n mens onderrig, dan moet dit ook ‘n heilsame werking
uitoefen op ‘n doodsieke siel, omdat die nou regstreeks met die lewenskrag
in aanraking kom. Maar dieselfde resultaat kan nie verwag word waar My
woord afgeweer word, omdat die afweering nie ‘n gunstige werking toelaat
nie, dan is dit opnuut ‘n sonde teen My liefde en sonde het nooit ‘n gunstige
werking tot gevolg nie.
Maar dit sou vir julle waaragtig maklik wees om die lewe en dus ook die
krag te bereik. Want vir elke mens staan die moontlikheid oop, om My
woord aan te hoor, dit te lees of in gedagtes met My te praat. Hoewel hy
midden in die wêreld staan: Dit is vir elkeen moontlik om hom vir ‘n kort
tyd af te sonder en die siel voedsel te bied: hom in My woord te verdiep en
dus uit vrye wil die verbinding tot stand te bring met Hom, Wie as God en
Skepper erken moet word. En waarlik, Ek sal sy wil seën, Ek sal hom
tegemoet kom en hom so aanspreek, dat hy steeds weer na My en My
aanspreeking verlang.
Maar die wêreld verdring alle gedagtes aan My, by My woord word argeloos
verby gegaan. Die geleendhede om My woord aan te hoor, word eerder as
steurend ervaar en die verweer teen My gawe van liefde kom so duidelik na
vore, dat dit daarom ook nie te verwonder is nie dat die mensdom steeds
verder wegsink in kragteloosheid, wanneer die geestelike dieptepunt steeds
duideliker herkenbaar word en wanneer My teenstander heerskappy oor die
mense verkry, wat alle toevoer van krag verhinder. En hulle is ook nie met
‘n buitengewone gawe van genade gediend nie, want ook dit sal nie werk
nie, omdat die mense die Lig, wat hulle voorgehou word, nie wil sien nie.
En daarom bring die mensdom self die einde van die aarde nader, want
daar is geen sprake meer van geestelike groei nie, die lewe as mens op die
aarde word nie meer benut nie en het daarom ook doelloos geword.
Daar moet eers orde tot stand gebring word, wat ‘n ontwikkeling opwaarts
weer moontlik maak. En die orde bring Ek tot stand, sodra die uur
aangebreek het, soos dit sedert ewigheid voorbestem is. Want die mense
moet die lewe deelagtig word en nie ewig in die lewelose toestand van die
siel bly nie. Amen
519