DEEL 2 Reïnkarnasie - Ja of nee? - Nuweopenbaring

julle ook kan omdat Ek vir julle die oerskuld gedra het en julle dus onbelas
die weg omhoog kan gaan.
Maar julle is nog blootgestel aan die invloed van My teenstander en van
hierdie invloed moet julle julself vrymaak, want die aardse tyd is julle
gegee as beproewing van die wil. Dit is die periode waarin ook My
teenstander nog op julle kan inwerk. Julle moet hierdie wilsbeproewing
deurstaan deur hom weerstand te bied en bewus na My te strewe.
Sy invloed sal nie geheel sonder om ‘n spoor na te laat by julle verbygaan
nie, julle sal meer of minder daarop reageer en daarom is My reaksie
daarop aan leed en gebrek onderworpe wat daar voor sorg dat julle julself
inniger by My probeer aan sluit, sodat die gevaar om deur hom gevange
geneem te word, afgewend is.
Julle siele behoort nog hoofsaaklik aan hom solank julle nog aan die
materie gebonde en deur onvolwasse geestelike substansies ingesluit en
omgewe is. Ek sterf vir julle die dood aan die kruis sodat julle julself kan
bevry uit die kettings van My teenstander. Dog die vrymaak moet die siel
self bewerkstellig, d.w.s. julle moet ernstig wil loskom van My teenstander.
En om julle wil op die wyse te beïnvloed moet julle deur nood en ellende
gaan, tensy julle wil geheel en al aan My behoort en julle geen beïnvloeding
deur My teenstander meer toelaat nie. Dan sal ook julle aardse lewe
makliker te dra wees, dan kan julle al met reg sê dat julle verlos is van
sonde en dood, van swakte en gebondenheid. En dan sal julle, julle ook self
aanpas aan julle missie van die verlossingswerk van julle medemens, want
julle ken dan die betekenis van julle aardse lewe. Julle wil dan help dat ook
julle medemens vry word van die mag wat hulle gebonde hou.
Ook dan sal julle aardse lewe nie geheel sonder leed wees nie, sodat dit
julle medemens nie dwing tot ‘n wilsbeslissing nie. Want solank die siel van
die mens nog onvolwasse is bestaan die lewe uit vreugde en sorgloosheid
en hy sou alleen ter wille van ‘n selfsugtige doel sy lewe probeer verander,
wat hom egter nie tot volmaaktheid sal kan bring nie.
Deur My dood aan die kruis wil Ek dit vir julle moontlik maak om die ewige
saligheid te beërwe, egter nie om ‘n paradysagtige lewe op aarde vir julle
te koop nie. Tog kan julle vir julself die aardse lewe draaglik maak, as julle
dit maar in innige gemeenskap met My beleef. Dan kan niks meer julle te
neerdruk en beswaar nie, dan is alles wat julle oorkom vir julle ‘n bewys
van My liefde vir julle en dan ken julle ook die doel daarvan en skik julle
gewillig na julle lot.
Julle ly dan nie meer nie, maar benut alles bewustelik en sien dit as ‘n
genadegawe, omdat dit julle ‘n hoër graad van volwassenheid verseker en
eens julle saligheid sal verhoog, waarvoor julle vir altyd dankbaar sal wees.
Julle dra dan slegs ter wille van julle medemens ‘n kruis, vir julself egter is
dit ‘n teken van My liefde, wat julle opgeroep het om deel te neem aan My
verlossingswerk. Amen
325