DEEL 2 Reïnkarnasie - Ja of nee? - Nuweopenbaring

strewe, dus kies en ‘n besluit neem; vir My ryk of vir die ryk van My
teenstander.
Hy lok julle met sy goedere, bedink egter, dat hierdie goedere verganklik
is, dat dit as sodanig sal vergaan, of ook deur julle afgegee moet word in
die uur van julle dood. Julle kan julle nie blywend daarvan verseker nie,
julle raak dit onherroeplik weer kwyt, binnekort of ‘n bietjie later.
Dink daaraan en verwerf vir julle deur harde werk vroegtydig goedere wat
julle nie afgeneem kan word nie. Goedere wat onverganklik is en eers op
hul regte waarde geskat word in die ewigheid, na die dood van die liggaam,
wat dan die rykdom vir die siel is wat hom oneindig gelukkig sal maak.
Die verlange na die materie maak julle blind vir geestelike goedere. Julle
kan dit nie herken as dit wat dit is nie, omdat al julle gedagtes alleen maar
aards gerig is en geestelike strominge geen indruk op julle kan maak nie,
want My ryk is nie van hierdie wêreld nie, My ryk kom egter tot elkeen wat
dit begeer.
Daarom, maak julle los van dit wat julle die toegang in My ryk verhinder.
Maak julle vry van verlange na aardse goedere, kom met min klaar en doen
afstand solank julle op aarde vertoef, om dan in alle volheid My goedere
van Liefde te ontvang in die geesteryk. Amen
Die koms van Jesus - Wegneming
5799 30 Oktober 1953
Julle sal My sien kom in die wolke en die geesteryk sal na julle toe
neerdaal, want julle wat aan My getrou bly tot aan die einde, word alreeds
gereken as bewoners van die geesteryk, ofskoon julle nog in die vleeslike
liggaam is. Julle het die volwassenheid bereik sodat julle My van Aangesig
tot Aangesig mag aanskou. Maar deur wolke omhul kom Ek julle tegemoet,
want die hele volheid van My Lig kan julle nog nie verdra nie, ofskoon julle
My sal kan aanskou sonder om te vergaan.
Die voorval van die wegneming en My wederkoms na die aarde is slegs vir
My gelowiges verstaanbaar en geloofwaardig. En al motiveer Ek steeds
weer hierdie gebeurtenisse en probeer dit vir julle te verklaar, wil die
mense van hierdie aarde niks ongewoon of onnatuurlik aanneem nie,
omdat hulle geen begrip vir die geestelike het nie en iets geestelik daarom
ook nie aan hulle geopenbaar kan word nie. En daarom sal hulle My ook nie
kan aanskou nie terwyl julle, My gelowiges, jubelend en verlangend julle
hande na My sal uitstrek; hulle egter, sal heeltemal niks sien nie.
Maar die voorval van die wegneming sal vir hulle nie heeltemal verborge
bly nie en dit sal hulle in groot vreesagtigheid stort. Want ook dit is
onnatuurlik dat julle My tegemoet sal sweef en Ek Myself julle na My toe sal
trek, dat julle liggaam die aarde lewend verlaat, om die Hemel, die lig
tegemoet te gaan. Maar ook daardie lig sal die ongelowiges nie kan sien
208